न्युरोड–टेकु क्षेत्र सिल गरिने

प्रहरी स्रोतले दिएको जानकारीअनुसार शुक्रबार राति १२ बजेदेखि लागू हुने गरी असनलगायतका क्षेत्र सिल गर्न लागिएको हो । केहीबेर अघिको काठमाडौं उपत्यकाका तीनै जिल्लाका प्रमुख जिल्ला अधिकारीको बैठकले अत्यावश्यक बाहेकका सेवा १५ दिन बन्द गर्ने निर्णय गरेको थियो । काठमाडौंका प्रमुख जिल्ला अधिकारी जनकराज दाहालले कोरोना संक्रमण देखिएका स्थान र बस्ती वरपर सिल गर्ने गरी तयारी भएको बताए । 'स्वास्थ्य मन्त्रालयबाट औपचारिक जानकारी आएपछि घोषणा गर्ने छाैं,' उनले भने ।