चेपाङ समुदायमाथिका घटना निष्पक्ष छानबिन गर : मानवअधिकार आयोग
काठमाडौँ — राष्ट्रिय मानवअधिकार आयोगले चितवनमा चेपाङ समुदायका परिवार र व्यक्तिमाथि भएका दुई फरक घटनाको निष्पक्ष छानबिन गरी दोषीमाथि कारबाही गर्न सरकारको ध्यानाकर्षण गराएको छ । आयोगले शुक्रबार विज्ञप्ति जारी गर्दै आगजनी गरी घर भत्काई विस्थापित तुल्याइएका व्यक्तिहरूको उचित बासको व्यवस्था गर्न तथा मृतक राजकुमार चेपाङको परिवारलाई उचित राहत उपलब्ध गराउन सरकारसँग आग्रह गरेको हो ।
‘यस प्रकृतिका कार्यबाट व्यक्तिको सम्मानपूर्वक बाँच्न पाउने अधिकार कुण्ठित हुन पुगेको तथा सामाजिक न्याय, आवासको हकलगायतका अधिकारहरूको समेत उल्लंघन हुन गएको देखिन्छ,’ आयोगले विज्ञप्तिमा भनेको छ । उक्त घटनाको सम्बन्धमा आयोगको वाग्मती प्रदेश कार्यालयले अनुसन्धान प्रक्रिया अगाडि बढाइसकेको जनाइएको छ ।
सम्बन्धित समाचार
प्रकाशित : श्रावण ९, २०७७ १९:३२प्रतिक्रिया
