पप्पु कन्स्ट्रक्सनसहित ६ अन्य कम्पनी सरकारी कालोसूचीमा- समाचार - कान्तिपुर समाचार
कान्तिपुर वेबसाईट
AdvertisementAdvertisement

पप्पु कन्स्ट्रक्सनसहित ६ अन्य कम्पनी सरकारी कालोसूचीमा

कान्तिपुर संवाददाता

काठमाडौँ — सार्वजनिक खरिद अनुगमन कार्यालयले पप्पु कन्स्ट्रक्सन प्रा.लिसहित अन्य छवटा निर्माण कम्पनी, आपूर्तिकर्ता र त्यसका मुख्य व्यक्तिलाई कालोसूचीमा राखेको छ ।

अनुगमन कार्यालयले पुप्पु कन्स्ट्रक्सनलाई ३ वर्षका लागि कालोसूचीमा राखेको हो भने अन्य ५ कम्पनी र तिनका मुख्य व्यक्तिलाई एक वर्षका लागि कालोसूचीमा राखेको छ ।




अन्य ५ कम्पनीमा निशा सप्लायर्स, हेटौंडा र त्यसका मुख्य व्यक्ति अशोक न्यासुर, श्रीदेव सप्लायर्स, काठमाडौं र त्यसका मुख्य व्यक्ति दामोदर दुलाल, सूर्योदय निर्माण एण्ड हाउजिङ कम्पनी प्रा. लि. र त्यसका मुख्य व्यक्ति विष्णुकुमार कडरिया, बारा कन्स्ट्रक्सन, काठमाडौं र एचबीकेसी निर्माण सेवा, सिन्धुपाल्चोक र त्यसका मुख्य व्यक्ति हरिबहादुर खत्री रहेका छन् ।


प्रकाशित : फाल्गुन ५, २०७६ ११:५६
प्रतिक्रिया
पठाउनुहोस्

कालापानी गएकाे रक्षामन्त्रीकाे टाेलीले हवाई निरीक्षणमात्रै गरेर फर्कियो

बाक्लाे हिउँका कारण हेलिकप्टर ल्यान्ड हुन सकेन
कान्तिपुर संवाददाता

काठमाडौँ — साेमबार बिहान कालापानी सीमा क्षेत्रकाे अवलाेकन गर्न हेलिकप्टरमा गएकाे उपप्रधान तथा रक्षामन्त्री ईश्वर पाेखरेलकाे टाेली बाक्लो हिउँका कारण ल्यान्ड नगरी हवाई निरीक्षणमात्रै गरेर फर्किएकाे छ ।

सुदूर पश्चिमकी उपसभामुख निर्मला बडाल जोशी, प्रतिनिधी सभा सदस्य गणेशसिंह ठगुन्ना, नेपाली सेनाका अधिकृत र रक्षामन्त्रालयका अधिकारीहरु उक्त भ्रमणमा सहभागी थिए ।

‘छाङरुमा सशस्त्र प्रहरी सीमा सुरक्षा पोस्ट राख्ने ठाउँ हेर्न गएका थियौं । सोही अवसरमा सीमा क्षेत्र अवलोकन गर्ने कार्यक्रमलाई मौसमले साथ दिएन ।’ उक्त टोलीमा रहेका एक सदस्यले भने ।

उक्त क्षेत्रमा हालै नेपालको भूमिमा भारतले सडक खनेको थियो । कालापानी, लिपुलेक र लिम्पियाधुरा क्षेत्रलाई भारतले आफ्नो नक्सामा समेटेको थियो । कालापानीमा सेना राख्दै आएको भारतले पछिल्लो समय आफ्नो नक्सामा समेटेपछि नेपाल र भारतबीच विवाद थियो । नेपालले उक्त भूमि कुनै हालतमा फिर्ता ल्याउने बताउँदै आएकाे छ।
प्रधानमन्त्रीले शनिबार संसद्मा सम्बोधन तथ्य र प्रमाण उक्त क्षेत्र नेपालको भएको पुष्टि भन्दै फिर्ता ल्याउने दाबी गरेका थिए । रक्षामन्त्री आइतबार दार्जुला गएका थिए ।

प्रकाशित : फाल्गुन ५, २०७६ ११:१६
पूरा पढ्नुहोस्
प्रतिक्रिया
पठाउनुहोस्
×