गायिका आस्था राउतविरुद्ध पक्राउ पुर्जी- समाचार - कान्तिपुर समाचार
कान्तिपुर वेबसाईट
AdvertisementAdvertisement

गायिका आस्था राउतविरुद्ध पक्राउ पुर्जी

मातृका दाहाल

काठमाडौँ — काठमाडौं जिल्ला प्रशासन कार्यालयले गायिका आस्था राउतविरुद्ध पक्राउ पुर्जी जारी गरेको छ । सहायक प्रमुख जिल्ला अधिकारी जीवन आचार्यका अनुसार मुलुकी अपराध (संहिता) ऐन २०७४ को दफा १ सय १८ अनुसार अभद्र व्यवहार कसूरमा राउतविरुद्ध आइतबार पक्राउ पुर्जी जारी भएको हो ।

उनीविरुद्ध आरोप पुष्टि भए प्रमुख जिल्ला अधिकारीले १ वर्षसम्म कैद र १० हजार रुपैयाँसम्म जरिवाना गर्न सक्नेछन् ।


महानगरीय प्रहरी परिसरका अधिकारी राउतविरुद्धको पक्राउ पुर्जीको निवेदनसहित आइतबार दिउँसो २ बजे बबरमहलस्थित प्रमुख जिल्ला अधिकारीको कार्यकक्ष पुगेका थिए ।


यो पनि


त्रिभुवन अन्तर्राष्ट्रिय विमानस्थलबाट झापा जाने क्रममा राउतले बिहीबार प्रहरी जवान रमिता श्रेष्ठमाथि अभद्र व्यवहार गरेको उजुरी परेको थियो । राउत अहिले सिक्मिममा रहेको बुझिएको छ ।



प्रकाशित : माघ ५, २०७६ १४:२०
प्रतिक्रिया
पठाउनुहोस्

सभामुखमा अग्‍निको नाममा ‘लगभग’ सहमति 

कान्तिपुर संवाददाता

काठमाडौँ — सत्तारुढ नेकपाका अध्यक्षद्वय केपी शर्मा ओली र पुष्पकमल दाहालबीच अग्‍निप्रसाद सापकोटालाई सभामुख बनाउन ‘लगभग’ सहमति जुटेको छ । आइतबार बिहान बालुवाटारमा भएको अध्यक्षद्वयबीचको छलफलमा सापकोटालाई सभामुख बनाउने सहमति भए पनि अन्तिम निर्णय भने सचिवालय बैठकबाट हुने भएको छ । 

‘दुई अध्यक्षबीच करिब-करिब सहमति जुटेको छ । ४ बजे सचिवालय बैठक बस्दैछ । अन्तिम निर्णय त्यहाँबाट हुन्छ,’ दाहालनिकट स्रोतले भन्यो ।

सभामुख कृष्णबहादुर महराले संसद् सचिवालयमा कार्यरत महिला कर्मचारीमाथि यौन दुर्व्यवहारको आरोप लागेपछि असोज १४ गते राजीनामा दिएका थिए ।

उनको राजीनामा पछि सभामुखको प्रस्ताव अध्यक्ष ओलीले गर्ने कि दाहालले भन्नेमा नेकपामा विवाद चुलिएको थियो । जसकारण पुस ४ गते बोलाइएको प्रतिनिधिसभाको हिउँदे अधिवेशन पहिलो बैठकपछि तीनपटक सूचना टाँसेर स्थगित भएको छ । यसअघि अध्यक्ष ओलीले सभामुखमा सुवासचन्द्र नेम्वाङलाई अगाडि सारेका थिए । यस्तै उपसभामुख शिवमाया तुम्बाहाङ्फेले पनि दाबी गरेकी थिइन् ।

प्रतिनिधिसभाको अर्को बैठक सोमबारका लागि बोलाइएको छ । उक्त बैठकमा सभामुख निर्वाचन प्रक्रिया अगाडि बढ्ने अपेक्षा गरिएको छ ।

प्रकाशित : माघ ५, २०७६ १३:४२
पूरा पढ्नुहोस्
प्रतिक्रिया
पठाउनुहोस्
×