पत्रकारको पुनर्बहालीको माग गर्दा ९ पत्रकार पक्राउ

कान्तिपुर संवाददाता

काठमाडौँ — प्रहरीले सिहंदरबारस्थित रेडियो नेपालको प्रांगणबाट नेपाल पत्रकार महासंघका सचिव रामप्रसाद दाहाल र नेपाल प्रेस युनियनका महासचिव अजयबाबु शिवाकोटीसहित ९ जनालाई पक्राउ गरेको छ ।

रेडियो नेपाल प्रदेश प्रसारण केन्द्र दिपायलबाट निष्कासन गरिएका तीन पत्रकारलाई पुनर्बहाली गर्न माग गर्दै धर्ना दिने क्रममा उनीहरूलाई सोमबार अपरान्ह रेडियो नेपाल प्रांगणबाट पक्राउ गरिएको हो । रेडियो नेपालको दिपायल प्रसारण केन्द्रबाट पत्रकारहरू प्रकाश बम, सुनिता रावल र चक्र कुँवरलाई केही समयअघि निष्काशन गरिएको थियो ।

पक्राउ परेकामा महासंघका सचिव दाहाल, प्रेस युनियनका महासचिव शिवाकोटी, पत्रकार महासंघका केन्द्रीय सदस्यत्रय जन्मदेव जैसी, यम बिरही र मीन बम, प्रकाश बम, चक्र कुँवर, दिलीप पौडेल र योगेन्द्र बलायर छन् ।

महासंघका सचिव दाहालको नेतृत्वको टोलीले समस्या समाधानका लागि सुरुमा छलफलका लागि बोलाए पनि रेडियो नेपाल पुग्दा प्रशासनले नमानेपछि वार्ता भंग भएको र तालाबन्दी गर्ने क्रममा प्रहरीले ९ पत्रकारलाई पक्राउ गरेको हो । उनीहरूलाई महेन्द्र पुलिस क्लब प्रदर्शनीमार्गमा लगेर राखिएको छ ।

प्रमुख प्रतिपक्षी कांग्रेस, पत्रकार महासंघ, प्रेस युनियनले सोमबार नै विज्ञप्ति जारी गरी गिरफ्तार पत्रकारलाई तत्काल रिहा गर्न र रेडियो नेपालबाट निष्काशित तीन सञ्चारकर्मीलाई पुनर्बहाली गर्न माग गरेका छन् । विज्ञप्तिमा कांग्रेस, महासंघ र युनियनले पुनर्बहाली नगरे अझ ठूलो आन्दोलनमा उत्रने चेतावनीसमेत दिएका छन् ।
यो पनि पढ्नुहोस्:

प्रकाशित : भाद्र ३०, २०७६ १५:५२
ADVERTISEMENT
प्रतिक्रिया
पठाउनुहोस्

झापामा ५ सयभन्दा बढीलाई डेंगु 

रासस

सुरुंगा — तीन महिनाअघि देखा परेको डेंगु झापामा अझै नियन्त्रणमा आउन सकेको छैन । जिल्ला स्वास्थ्य कार्यालय झापासहित स्थानीय पालिकालेसमेत प्रभावकारी काम गर्न नसक्दा डेंगु नियन्त्रणमा आउन नसकेको हो । 

झापामा अहिले पनि ५०० भन्दाबढी डेंगु रोगी रहेको जिल्ला जनस्वास्थ्य कार्यालय झापाले जनाएको छ । बिरामीहरुको विभिन्न अस्पतालमा उपचार भइरहेको छ ।

जिल्ला स्वास्थ्य कार्यालयका सूचना अधिकारी कुलबहादुर पौडेलले डेंगु नियन्त्रणका लागि गत वर्ष कार्यक्रमहरु आएपनि यस वर्ष कुनै कार्यक्रम नआएको बताए । स्थानीय तहले डेंगु नियन्त्रणका लागि चासो दिनुपर्ने भन्दै जिल्ला स्वास्थ्य कार्यालयसँग कुनै पनि नगरपालिका तथा गाउँपालिकाले सहयोग नमागेको पौडेलले बताए ।

डेंगु कारण झापामा हालसम्म दुई जनाको मृत्यु भइसकेको छ ।

झापामा डेंगु पहिलोपटक मेचीनगरमा फेला परेको थियो । झापाका मेचीनगर, बिर्तामोड, दमक, भद्रपुर लगायतका नगर डेंगुको जोखिममा रहेको स्वास्थ्य कार्यालयले जनाएको छ ।

प्रकाशित : भाद्र ३०, २०७६ १५:२२
पूरा पढ्नुहोस्
ADVERTISEMENT
प्रतिक्रिया
पठाउनुहोस्