पत्रकार हटाइएकोमा विरोध

समितिले सुनीता रावल, प्रकाश बम र चक्र कुँवरको म्याद नथपेर हटाएको हो । रेडियो प्रसार समितिको साउन ३१ गतेको निर्णयअनुसार उनीहरूको करार सेवा अवधि नथप्ने निर्णय गरिएको हो ।

उनीहरूलाई हटाइएको विरोधमा नेपाल पत्रकार महासंघ डोटी शाखाले गत मंगलबारबाट रेडियो नेपालमा निरन्तर आन्दोलन गरिरहेको छ । पत्रकार महासंघ जिल्ला शाखा डोटीका अध्यक्ष योगेन्द्र बलायरले बिनाकारण श्रमजीवी पत्रकारलाई हटाइएकाले आन्दोलनमा उत्रनु परेको बताए ।

महासंघले बिनासर्त तत्काल बर्खास्तमा परेका पत्रकारहरूको पुनर्बहालीको माग गर्दै आएको छ । उनीहरूको ठाउँमा नवराज जोशी, लोकेश अधिकारी र दीर्घ खत्रीलाई दैनिक ज्यालाका आधारमा नियुक्ति दिइएको छ । पत्रकार सुनीता रावलले आफूहरूलाई फरक राजनीतिक आस्था राखेका आधारमा हटाइएको आरोप लगाइन् ।

खुला प्रतिस्पर्धाबाट १० वर्षअघि नियुक्त भएकी रावलले आफुहरूलाई हटाउनुको कारण पनि नदिएको तथा कार्यालयभित्र प्रवेशमासमेत रोक लगाएकाले आश्चर्यमा परेको बताइन् ।