फलामको पाइप खसेर लाग्दा एक जनाको मृत्यु- उपत्यका - कान्तिपुर समाचार
कान्तिपुर वेबसाईट
AdvertisementAdvertisement

फलामको पाइप खसेर लाग्दा एक जनाको मृत्यु

कान्तिपुर संवाददाता

भक्तपुर — सूर्यविनायक नगरपालिका ८ जगातीस्थित समानान्तर कंक्रिट (रोडा, बालुवा, सिमेन्ट र केमिकल उत्पादन गरी तयार गर्ने) उद्योगमा काम गर्ने क्रममा फलामको पाइप खसेर लागेपछि १ जनाको मृत्यु भएको छ । मृत्यु हुनेमा बर्दिया बारबर्दिया नगरपालिका-७ घर भई सोही  उद्योगमा काम गर्ने २४ वर्षीय विवेक चौधरी रहेका छन् ।

फलामको पाइपले लागेर घाइते भएका चौधरीको उपचारको क्रममा नागरिक कम्युनिटी टिचिङ अस्पताल गठ्ठाघरमा मृत्यु भएको प्रहरीले जनाएको छ । फलामको पाइप खसेर लाग्दा अर्का एक जना घाइते भएका छन् ।

घाइते हुनेमा बर्दिया बारबर्दिया नगरपालिका-७ घर भई सोही उद्योगमा काम गर्ने १९ वर्षीय प्रमोद चौधरी सामान्य घाइते भएको र उपचारपछि डिस्चार्ज भइसकेको भक्तपुर प्रहरी प्रवक्ता डीएसपी राजु पाण्डेले बताए ।

अन्दाजी ३ मिटर लामो कंक्रिट पेल्ने फलामको पाइप बिग्रिएपछि मर्मत गर्ने क्रममा सोही पाइप खसेर दुर्घटना भएको प्रहरीले जनाएको छ ।

प्रकाशित : आश्विन ६, २०७९ १७:५७
प्रतिक्रिया
पठाउनुहोस्

सामसङले ल्यायो ग्यालेक्सी ए०४ एस

कान्तिपुर संवाददाता

काठमाडौँ — सामसङले थप नयाँ सुविधा र विशेषतासहितकाे ग्यालेक्सी ए०४ एस सार्वजनिक गरेको छ । सामसङको यस फोनमा ट्रिपल रियर क्यामरा छन् । ५० एमपी मेन क्यामरा, २ एमपीको रिफाइन्ड म्याक्रो क्यामरा र २ एमपीको डेप्थ क्यामरा समावेश छन् ।

साथै ५ एमपीको सेल्फी फोकस फिचर छ । ग्यालेक्सी ए ०४ एस ९० हर्ज रिफ्रेस रेटको साथ ६.५ डिस्प्लेमा उपलब्ध छ । एक पटक पूरा चार्ज गर्दा २ दिनसम्म टिक्ने ५ हजार एमएएच ब्याट्री भएको ग्यालेक्सी ए०४ एस कालो, कपर र हरियो गरी तीन रङमा उपलब्ध छ ।

१२८ जीबी स्टोरेज सहितको ४ जीबी र्‍याम भएको ए०४ एसको मूल्य २१,९९९ रुपैयाँ पर्छ । ६४ जीबी स्टोरेजसँग ४ जीबी र्‍याम भएको फोनको मूल्य १९,९९९ रुपैयाँ ताेकिएकाे छ । ए ०४ एस ले ए–सिरिजको हरेक मूल्य दरमा गुणस्तरीय स्मार्टफोन उपलब्ध गराउँदै आएको कम्पनीकाे दाबी छ ।

प्रकाशित : आश्विन ६, २०७९ १७:५६
पूरा पढ्नुहोस्
प्रतिक्रिया
पठाउनुहोस्
x
×