१७ वटा संस्थालाई कर बुझाउन काठमाडौं महानगरको १० दिने अल्टिमेटम
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सम्पत्ति कर नबुझाएका विभिन्न कम्पनी तथा संस्थानहरूलाई काठमाडौं महानगरपालिकाले कर बुझाउन १० दिने अल्टिमेटम दिएको छ । खाद्य संस्थान, नेसनल ट्रेडिङ कर्पोरेसन, विद्युत् प्राधिकरण, सिविक हस्पिटल, कर्मचारी सञ्चयकोष, ह्वाइट फिल स्कुल लगायत १७ वटा संस्थान तथा कम्पनीहरूलाई महानगरले अल्टिमेटम दिएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![१७ वटा संस्थालाई कर बुझाउन काठमाडौं महानगरको १० दिने अल्टिमेटम](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/thumb-0692022024325-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
काठमाडौं महानगरपालिका राजश्व विभागका प्रमुख शिवराज अधिकारीको हस्ताक्षरसहित महानगरले मंगलबार विज्ञप्ति जारी गर्दै ती संस्थान र कम्पनीहरूलाई अल्टिमेटम दिएको हो ।
'महानगरपालिकाबाट सम्पत्ति कर बुझाउन पटकपटक ताकेता हुँदै आएकोमा हालसम्म पनि नबुजाएको हुँदा विवरणसहित यस पत्र प्राप्त भएको मितिले १० दिनभित्र सम्बन्धित वडा कार्यालयमा गई नियमानुसारको सम्पत्ति कर र सो को जरिवानासहित बुझाउनु अनुरोध छ,' महानगरको विज्ञप्तिमा उल्लेख छ ।