![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सर्वोच्च अदालतको अन्तरिम आदेश अवज्ञा गर्दै काष्ठमण्डप उद्घाटन गरेको भन्दै परेको अवहेलना मुद्दामा विपक्षीलाई झिकाउन बिहीबार आदेश भएको छ । अधिवक्ता सञ्जय अधिकारीलगायतले आइतबार दर्ता गरेको अवहेलना मुद्दामा सर्वोच्चले काठमाडौं महानगर प्रमुख विद्यासुन्दर शाक्य, काष्ठमण्डप पुनर्निर्माण समितिका अध्यक्ष राजेश शाक्य, पुरातत्त्व विभागका महानिर्देशक दामोदर गौतम र हनुमानढोका दरबार हेरचाह अड्डा प्रमुख सन्दीप खनाललाई अदालतमा उपस्थित हुन आदेश दिएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![मेयरसहित ४ विपक्षीलाई झिकाउन आदेश](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/supreme-court-2542021013141-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
प्रधानमन्त्री कार्यालय, गृह मन्त्रालय, संस्कृति मन्त्रालय, काठमाडौं–२० कार्यालयलाई विपक्षी बनाइएको मुद्दामा न्यायधीश कुमार रेग्मीको इजलासले ४ जनालाई ७ दिनभित्र लिखित जवाफसहित उपस्थित हुन भनेको हो ।
२०७२ वैशाखको भूकम्पले क्षतिग्रस्त काष्ठमण्डपको पुनर्निर्माणपछि गत सोमबार राष्ट्रपति विद्यादेवी भण्डारीले उद्घाटन गरेकी थिइन् । पुनर्निर्माण समितिले काष्ठमण्डपभित्रका गोरखनाथ र ४ वटा गणेशका प्राचीन मूर्ति हटाएर नयाँ प्रतिस्थापन गरेको थियो । पुनर्निर्माणपछि पूरानो मूर्ति हटाएर नयाँ मूर्ति राखिएको भन्दै अधिवक्ता अधिकारीलगायतले नै गत पुस २८ मा सर्वोच्चमा रिट हालेका थिए । रिटको सुनुवाइ गर्दै सर्वोच्चले मुद्दा किनारा नलागेसम्म नयाँ मूर्ति नराख्न माघ ३ मा अन्तरिम आदेश दिएको थियो ।
न्यायाधीश ईश्वर खतिवडाको उक्त आदेशको प्रतिकूल हुनेगरी उद्घाटन गर्न लागेको भन्दै सरोकारवालाबाट विरोध भए पनि राष्ट्रपति भण्डारीले काष्ठमण्डप उद्घाटन गरेकी थिइन् ।
![](https://assets-cdn.ekantipur.com/uploads/source/ads/900-x-100-0172024023126.gif)