कुन प्रदेश कति धनी ?  

कार्यालयले बुधबार सार्वजनिक गरेको प्रादेशिक कुल गार्हस्थ्य उत्पादन (जीडीपी) प्रतिवेदनले सात प्रदेशमध्ये सबैभन्दा धेरै प्रतिव्यक्ति जीडीपी वाग्मती प्रदेशमा रहेको देखाएको हो ।

प्रतिवेदनका अनुसार वाग्मती प्रदेशको प्रतिव्यक्ति जीडीपी २ हजार ४ सय ८५ अमेरिकी डलर छ । यस्तै, दोस्रो धनी प्रदेश गण्डकी हो । यो प्रदेशको प्रतिव्यक्ति जीडीपी १ हजार ५ सय ५७ डलर छ ।

यसैगरी, कोशी प्रदेशको प्रतिव्यक्ति जीडीपी १ हजार ३ सय ३६ अमेरिकी डलर, लुम्बिनीको १ हजार १ सय ५९ डलर, सुदूरपश्चिमको १ हजार १ सय ११ डलर, कर्णालीको १ हजार ६६ डलर र मधेश प्रदेशको प्रतिव्यक्ति जीडीपी ८ सय ९२ डलर छ । जसअनुसार समग्र नेपालको प्रतिव्यक्ति जीडीपी १ हजार ४ सय ३४ अमेरिकी डलर छ ।