सरकारले निजी क्षेत्रलाई तर्साएर राजस्व संकलन गर्दैन : अर्थमन्त्री पुन
काठमाडौँ — अर्थमन्त्री वर्षमान पुनले आय बढाउने नाममा सरकारले निजी क्षेत्रलाई त्रसित बनाएर राजस्व संकलन नगर्ने प्रतिवद्धता जनाएका छन् ।
शनिबार कान्तिपुर मिडिया ग्रुपले वीरगन्जमा आयोजना गरेको ‘वीरगन्जको वाणी’ कार्यक्रमको अन्तिम सत्र ‘अर्थमन्त्रीलाई प्रश्नै प्रश्न’ विषयक अन्तरक्रिया मन्त्री पुनले सरकारले उद्योगी व्यवसायीलाई डर देखाएर राजस्व संकलन नगर्ने बताएका हुन् ।
‘सरकारले निजी क्षेत्रलाई गर्ने व्यवहार सुधार गरिसकेको छ । पहिले अनुसन्धान गछौं, उनीहरुको कुरा सुन्छौँ, अनुसन्धान गर्छैं दोषी भइसकेपछि मात्र कारवाही गछौं,’ उनले भने, ‘म मन्त्री बनेर आएपछि यसबारेमा धेरै काम भएको छ । जुन उद्योगी व्यवसायीले अनुभव गरिसक्नु भएको छ ।’
अहिले अर्थतन्त्र लयमा रहेको अर्थमन्त्री पुनले दाबी गरेका छन् । 'विश्व बैंकले पनि ३.३ प्रतिशत आर्थिक वृद्धिको प्रक्षेपण गरेको छ । यसकारण सरकारले राखेको ६ प्रतिशतको लक्ष्य नपुगेपनि राम्रो हुन्छ भन्नेमा हामी विश्वस्त छौं,' उनले भने ।
प्रकाशित : चैत्र २४, २०८० १९:२८