गर्मीका कारण नेपालगन्जमा चार दिन विद्यालय बन्द
नेपालगन्ज — गर्मीसँगै तातो हावा (लु) चलेकाले बाँकेको नेपालगन्जका विद्यालय चार दिन बन्द हुने भएका छन् ।
नेपालगन्ज उपमहानगरपालिकाले जेठ १५ देखि १८ गतेसम्म विद्यालय बन्द गर्ने निर्णय गरेको हो । नगरस्तरीय विपद व्यवस्थापनको बैठकले गर्मी बिदा दिने निर्णय गरेको नेपालगन्ज उपमहानगरपालिकाका शिक्षा महाशाखा प्रमुख उपसचिव गोर्खबहादुर थापाले बताए ।
नेपालगन्जमा केही दिनदेखि गर्मी बढेको छ । यहाँको तापक्रम ४१ डिग्रीभन्दा बढिरहेको छ ।
प्रकाशित : जेष्ठ १३, २०८१ २०:१५प्रतिक्रिया