नाब्लस सहरमा प्यालेस्टाइनी र इजरायली सैनिकबीच झडप
काठमाडौँ — वेस्ट बैंकको नाब्लस सहरमा बिहीबार राति भएको झडपमा १० प्यालेस्टाइनी र ४ जना इजरायली सैनिक घाइते भएका छन् । इजरायली सेनाको बल सैन्य बुलडोजरसहित विस्फोटक पदार्थ बोकेर आएपछि झडप सुरु भएको हो ।
इजरायली सेनाले दर्जनौँ इजरायलवासीलाई धार्मिक अनुष्ठानका लागि नाब्लसको फ्ल्यासपोइन्ट साइट जोसेफको चिहानमा लैजान नाब्लस सहरमा आक्रमण गरेको थियो । जोसेफको चिहानसम्म जाने सडकहरू अवरुद्ध गर्दै प्लोस्टाइनी नागरिकहरूले विरोध गरेका थिए ।
उनीहरूले इजरायली गाडीको टायर जलाउनुका साथै इजरायली सेनाको गाडीमाथि ढुंगा प्रहार गरेका थिए । प्रदर्शकारीलाई रोक्न सैनिकले रबरको गोली र अश्रुग्यास छोडेको थियो । सैनिकबाहेक झडपको क्रममा ५६ प्यालेसटाइनी नागरिक घाइते भएका छन् ।
प्रतिक्रिया