'साइबर अपराधका घटना लुकाउने प्रवृत्ति धेरै छ'- विज्ञान र प्रविधि - कान्तिपुर समाचार

'साइबर अपराधका घटना लुकाउने प्रवृत्ति धेरै छ'

कान्तिपुर संवाददाता

काठमाडौँ — नेपालमा साइबर अपराधका घटनाहरु लुकाउने प्रचलन धेरै रहेको र यस्तो प्रवृत्ति बढ्दै गएको नेपाल दूरसञ्चार प्राधिकरणका अध्यक्ष पुरुषोत्तम खनालले बताएका छन् । कान्तिपुर मिडिया ग्रुपले बिहीबार काठमाडौंमा आयोजना गरेको साइबर सुरक्षा संवाद अन्तर्गतको पहिलो सत्र 'अधिक प्रयोग न्यून साक्षरता' विषयक अन्तरक्रिया कार्यक्रममा उनले यस्तो बताएका हुन् ।

अपराधका घट्ना लुकाएर भन्दा बाहिर ल्याउँदा समस्या समाधानका प्रयास हुने भए पनि सरोकारवाला निकाय र सम्बन्धित संस्थाले आफ्नो कम्पनीमा घटेका अपराधका घटना लुकाउन खोज्ने, भित्रभित्रै समाधानका प्रयास गर्ने र समस्या समाधान भइसकेपछि पनि उक्त घटना बाहिर ल्याउन नचाहने प्रवृत्ति अझै कायम रहेको उनले बताए ।

उनले भने 'समस्या लुकाएर भन्दा बाहिर ल्याउँदा छिटो समाधान गर्न सकिन्छ । ती घटनाका आधारमा सरकार र नीति निर्माताहरुले आवश्यक कानुन बनाउन सक्छन् तर, घटना लुकाउने प्रवृत्ति बढ्दै गएकाले प्रभावकारी रुपमा काम हुन सकेको छैन ।'

प्रकाशित : फाल्गुन ११, २०७९ १५:४८
प्रतिक्रिया
पठाउनुहोस्

कर्णालीमा माओवादीले प्रमुख सचेतक र सचेतक छान्यो

तृप्ति शाही

वीरेन्द्रनगर — नेकपा माओवादी केन्द्रले कर्णाली प्रदेशमा प्रमुख सचेतक र सचेतक छनोट गरेको छ । नेकपा माओवादी केन्द्र संसदीय दल कर्णाली प्रदेशको प्रमुख सचेतकमा रणसिंह परियार नियुक्त भएका छन् ।

यस्तै माओवादीले सचेतकमा मिलन खड्कालाई नियुक्त गरेको छ । कर्णालीका दुई ठूला दल नेपाली कांग्रेस र नेकपा एमालेले भने प्रमुख सचेतक र सचेतकको टुंगो लगाएका छैनन् ।

परियार हुम्लाबाट प्रतिनिधित्व गर्ने सांसद हुन् भने खड्का रुकुम पश्चिमबाट प्रतिनिधित्व गर्ने सांसद हुन् ।

प्रकाशित : फाल्गुन ११, २०७९ १५:३८
पूरा पढ्नुहोस्
प्रतिक्रिया
पठाउनुहोस्
×