उपाधिको खडेरी तोड्दै एटलान्टा युरोपा लिग च्याम्पियन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — एडेमोला लुकमनको सनसनीपूर्ण ह्याट्रिकमा एटलान्टाले फाइनलमा बायर लेभरकुजनलाई ३–० ले पराजित गर्दै बुधबार युरोपा लिगको उपाधि जितेको छ । यससँगै सिरी ए क्लबले ६१ वर्ष लामो उपाधिको खडेरी पनि तोडेको छ ।
![](https://assets-cdn.ekantipur.com/uploads/source/ads/900x100-0762024075620.gif)
![उपाधिको खडेरी तोड्दै एटलान्टा युरोपा लिग च्याम्पियन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/atlanta-2352024033346-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
एटलान्टाले युरोपेली फुटबलको कुनै उपाधि जितेको पनि यो पहिलो पटक हो । यस्तै सन् १९७३ यता कोही खेलाडीले युरोपेली फुटबलको फाइनलमा गोल गरेको पनि यो पहिलो पटक हो ।
नाइजेरियाली लुकमनले १२, २६ र ७५ औं मिनेटमा गोल गरे । हारले जर्मन बुन्डेसलिगा क्लबको ५१ खेलको अपराजित यात्रामा भने पूर्णविराम लागेको छ ।
इन्टर मिलान र एसी मिलानको छायाँमा रहँदै आएका एटलान्टा अहिले क्लब इतिहासकै स्वर्णित अवसरबाट गुज्रिरहेको छ । प्रशिक्षक जियान पिएरो गासपेरिनीको नेतृत्वमा एटलान्टा पछिल्ला चार सिजन च्याम्पियन्स लिगका छनोट भएको छ भने अहिले उपाधि चुम्न पनि सफल रह्यो ।
प्रकाशित : जेष्ठ १०, २०८१ ०७:१९