२६.१२°C काठमाडौं
काठमाडौंमा वायुको गुणस्तर: १६६

क्याडेट चेसमा पुरुषोत्तम र पूर्णिमा अगाडि

काठमाडौँ — वीरगन्जमा भइरहेको राष्ट्रिय स्तरको मुनलाइट युथ एन्ड क्याडेट नेसनल चेस च्याम्पियनसिपको खेलमा विभिन्न उमेर समूहका खेलाडी अग्रता लिएका छन् ।

क्याडेट चेसमा पुरुषोत्तम र पूर्णिमा अगाडि

होटल क्लासिकमा जारी प्रतियोगितामा १६ र १८ वर्षभित्रका उमेर समूहमा छैटौं राउन्डसम्म पुरुषोत्तम सिलवाल अग्रस्थानमा छन् । दोस्रो स्थानमा आदयन्ता काफ्ले र तेस्रो स्थानमा अनुशा गौतम छन् । यो उमेर समूहमा २४ प्रतिस्पर्धी छन् । ८ र १० वर्षभित्रका उमेर समूहमा अग्रिम जैन्सु अग्रस्थानमा छन् । हार्दिक पन्त दोस्रो र साहस श्रेष्ठ तेस्रो स्थानमा छन् । यसमा १० खेलाडी छन् ।

प्रतियोगिताको १२ देखि १४ वर्षको उमेर समूहमा छैटौं राउन्डमा अनुपजंग शाह अगाडि छन् । दोस्रोमा कृशान्त घिमिरे र अविन पान्डे तेस्रो स्थानमा छन् ।

छात्रातर्फ छैटौं राउन्डमा पूर्णिमा गुरुङ अगाडि छन् । दोस्रो स्थानम इशा गिरी र तेस्रो स्थानमा सृष्टि साह छन् । प्रतियोगितामा ६१ छात्र र १४ छात्राले सहभागिता जनाएका छन् ।

उमेर समूहका विजेताले जुन ९ देखि २१ सम्म कजाकस्तानमा हुने २७ औं एसियन युथ चेस च्याम्पियनसिपमा नेपालको तर्फबाट सहभागिता जनाउने चिफ आर्बिटर रामकिशोर सिंह परागले जनाएका छन् ।

नेपाल बुद्धिचाल महासंघ, पर्सा जिल्ला बुद्धिचाल संघ र मुनलाइटट माविको मुख्य आयोजना र नेसनल इन्फोटेक कलेजको सहआयोजनामा भएको प्रतियोगीता बिहीबारसम्म चल्ने छ ।

प्रकाशित : वैशाख ११, २०८१ २१:४६
प्रतिक्रिया
पठाउनुहोस्
जनताको राय

सरकारले ल्याएको आर्थिक वर्ष २०८१/०८२ को बजेट कस्तो लाग्यो ?