२४.१२°C काठमाडौं
काठमाडौंमा वायुको गुणस्तर: १५५

आईपीएल २०२४ : शीर्षमा राजस्थान अझ मजबुत

एजेन्सी

जयपुर — यशस्वी जैसवालले नटआउट रहेर बनाएको १ सय ४ रनको मद्दतले राजस्थान रोयल्सले सोमबार मुम्बई इन्डियन्सलाई नौ विकेटले पराजित गरेको छ । यससँगै लिग तालिकाको शीर्षमा राजस्थानको स्थिति अझ मजबुत भएको छ ।

आईपीएल २०२४ : शीर्षमा राजस्थान अझ मजबुत

मिडियम पेसर बलर सन्दीप शर्माले १८ रनमा पाँच विकेट लिएपछि पहिले ब्याटिङ गरेको मुम्बईले नौ विकेटमा १ सय ७९ रन बनाएको थियो । त्यसपछि बायाँ हाते ओनपर जैसवालले शतक बनाए र वर्षाले प्रभावित खेलमा राजस्थान १८.४ ओभरमा जितसम्म पुगेको थियो ।

यसअघि उनको व्यक्तिगत उच्च स्कोर यो सिजन ३९ रन रहेको थियो । सन् २००८ मो सेन वार्नको नेतृत्वमा पहिलो संस्करणको आईपीएल जितेको राजस्थानले यसपल्ट आफूले खेलेका ८ खेलमध्ये ७ मा विजयी हात पारेको छ । उसको १४ अंक छ ।

जैसवालको भने आईपीएलमा यो दोस्रो शतक हो । उनले ६० बलको सामना गर्दै नौ चौका र सात छक्का प्रहार गरे । उनले सन्जु साम्पसनसँग १ सय ९ रनको साझेदारी पनि गरे ।

प्रकाशित : वैशाख ११, २०८१ ०६:२२
प्रतिक्रिया
पठाउनुहोस्
जनताको राय

धावनमार्गको पिच उप्किएपछि त्रिभुवन अन्तर्राष्ट्रिय विमानस्थलमा शुक्रबार केहीबेर विमान उडान र अवतरण नै रोक्नुपर्ने अवस्था आउनुलाई के भन्नुहुन्छ ?