मल्लको अर्धशतकमा नेपालको मध्यम योगफल
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — कुशल मल्लको अर्धशतकमा नेपालले ट्वान्टी-२० अन्तर्राष्ट्रिय त्रिकोणात्मक शृंखलामा शुक्रबार नामिबियालाई १ सय ८१ रनको लक्ष्य दिएको छ । नामिबियाले त्रिवि क्रिकेट मैदान कीर्तिपुरमा टस जितेपछि ब्याटिङको निम्तो पाएको नेपालले निर्धारित २० ओभरमा ८ विकेट गुमाई १ सय ८० रन बनाएको हो ।
![](https://assets-cdn.ekantipur.com/uploads/source/ads/900x100-1172024092759.gif)
![मल्लको अर्धशतकमा नेपालको मध्यम योगफल](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/sports/kushal-and-0132024075354-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
कुशलले अविजित ५५ रन बनाए । उनले कुल ३७ बल खेल्दै १ चौका र ४ छक्का प्रहार गरे । ३० बलमा अर्धशतक पूरा गरेका कुशलले आरिफ शेखसँग पाँचौं विकेटमा ५५ बलमा ८५ रनको साझेदारी गरे । प्रतियोगितामा पहिलो खेल खेलिरहेका आरिफले २४ बल खेली ४ चौका प्रहार गर्दै ३१ रन बनाए ।
नेपालको सुरुआत राम्रो हुन सकेन । आसिफ शेख १ रनमात्र बनाई बेन सिकोन्गोको बलमा बोल्ड भए । कप्तान रोहित पौडेलले २ चौका प्रहार गरी ९ बलमा १० रन बनाएर आउट भए । आरिफ जस्तै प्रतियोगितामा पहिलो खेल खेलिरहेका अनिलले ३ छक्का प्रहार गर्दै १७ बलमा २३ रन बनाए ।
तस्बिरहरू : हेमन्त श्रेष्ठ/कान्तिपुर
चौथो नम्बरमा पठाइएका गुलशन झाले १६ बल खेली १ चौका र ३ छक्का प्रहार गर्दै २६ रन बनाए । उनलाई बर्नान्ड स्कोल्ट्जले एलबीडब्लु आउट भएका थिए । त्यसपछि कुशल र आरिफको साझेदारी जमेको थियो । आरिफ आउट भएपछि आएका करणले १ छक्का प्रहार गर्दै ३ बलमा ७ रन बनाए । सोमपाल कामीले ३ बलमा २ रनमात्र बनाउन सके । सिकोन्गोले ४ ओभरमा २८ रन खर्चेर ३ र ज्याक ब्रसेलले ४ ओभरमा ४५ रन खर्चेर २ विकेट लिए ।
नेदरल्यान्ड्सविरुद्ध बुधबार खेलेको नेपाली टोलीमा तीन खेलाडी परिवर्तन गरेको छ । कुशल भुर्तेलसहित सन्दीप जोरा र ललित राजवंशीलाई बेन्चमा राख्दै नेपालले उनीहरुको स्थानमा अनिल साह, आरिफ शेख र अविनाश बोहरालाई प्लेयिङ ११ मा राखेको छ । भुर्तेल यस प्रतियोगितामा नेपालले खेलेको दुबै खेलमा शुन्यमा आउट भएका थिए ।
फाइनलमा पुग्न नेपाललाई यो खेल जित्नै पर्ने आवश्यक्ता रहेको छ । नेपाल पहिलो दुई खेलमा क्रमशः नामिबिया र नेदरल्यान्ड्ससँग २० रन र २ विकेटले पराजित भएको थियो । नेपालले यस खेल जितेमा फाइनलमा पुग्ने सम्भावना रहन्छ । पराजित भएमा नेपाल फाइनल दौडबाट बाहिरिन्छ ।
नामिबिया बिहीबार नेदरल्यान्ड्ससँग ५९ रनले पराजित भएको थियो । नामिबियाका नियमित कप्तान जेर्हाड इरासमस चोटका कारण फर्किसकेका छन् । उनको स्थानमा जेजे स्मिटले नामिबियाको कप्तानी गरिरहेका छन् । उनले टस जितेर नेपाललाई पहिला ब्याटिङका लागि बोलाएका हुन् ।
![](https://assets-cdn.ekantipur.com/uploads/source/ads/900-x-100-0172024023126.gif)