साफ च्याम्पियनसिप : पाकिस्तानसँग नेपाल पराजित- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

साफ च्याम्पियनसिप : पाकिस्तानसँग नेपाल पराजित

कञ्चन अधिकारी

बंगलादेश — साफ च्याम्पियनसिप अन्तर्गत मंगलबार भएको पहिलो खेलमा पाकिस्तानसँग नेपाल २-१ गोलले पराजित भएको छ ।

ढाकास्थित बंगबन्धु रंगशालामा भएको समूह ए को पहिलो खेलमा पाकिस्तानलाई विजयी दिलाउने क्रममा मोहम्मद अलीले ९६अौ‌ँ मिनेटमा हेडमा गोल गरेका थिए ।


यसअघि पाकिस्तानले पेनाल्टी मार्फत् अग्रता लिएको थियो । नेपालका कप्तान विराज महर्जनले पाकिस्तानको पेनाल्टी एरियामा फाउल गरेपछि पाकिस्तानले पेनाल्टी पाएको थियो ।


पाकिस्तानका १० नम्बरका खेलाडी हसन नाविद बसिरले गोल गरेका थिए । दोस्रो हाफमा विमल घर्ती मगरले गोल फर्काउदै नेपाललाई बराबरीमा ल्याएको थियो ।


नेपालको सुरुआती ११ मा किरण चेम्जोङ, सुमन अर्याल, अनन्त तामाङ, आदित्य चौधरी, विराज महर्जन (कप्तान), सुजल श्रेष्ठ, रोहित चन्द, विमल घर्ति मगर, अन्जन विष्ट, भरत खवास, नवयुग श्रेष्ठ रहेका थिए ।


च्याम्पियनसिपमा समूह ए र बी मा गरेर जम्मा सात देश सहभागी छन्। समूह ए मा नेपालसहित पकिस्तान, भुटान र बंगलादेश रहेको छ भने बी समूहमा भारत, माल्दिभ्स र श्रीलंका रहेको छ।

प्रकाशित : भाद्र १९, २०७५ १५:४९
प्रतिक्रिया
पठाउनुहोस्

संयुक्त सैन्य अभ्यासको सम्झौता भएको छैन : प्रधानमन्त्री

मकर श्रेष्ठ

काठमाडौँ — प्रधानमन्त्री केपी ओलीले बिमस्टेक शिखर सम्मेलनमा संयुक्त सैन्य अभ्यास गर्ने सहमति नभएको बताएका छन् । ‘सैन्य अभ्यास गर्ने कुरा कहाँबाट आयो ? कसको सैन्य अभ्यास ?’ प्रतिनिधि सभामा सांसदले राखेको प्रश्नको जवाफ दिँदै उनले भने, ‘यस्तौ कुरा आउँछ भनेर घोषणापत्र बोकेर बसेको छु । घोषणपत्रको पूर्ण पाठ बजारभर आएको छ ।’

सैन्य अभ्यासको कुरा सांसदहरुले उठाएपछि ओलीले घोषणपत्र नै पढेर सुनाए ।

प्रमुख प्रतिपक्ष कांग्रेसका सांसद दिव्यमाणि राजभण्डारी, मिनेन्द्र रिजाल, रामबहादुर विष्ट, अमरेशकुमार सिंह, मिनबहादुर विश्वकर्मा लगायतले संयुक्त सैन्य अभ्यासको जानकारी प्रधानमन्त्रीसँग माग गरेका थिए । उनीहरुको जवाफ दिँदै प्रधानमन्त्री ओलीले सैन्य अभ्यासको सहमति नभएको बताए । एक मुलक र अर्को मुलुकको सुरक्षाकर्मीबीच तालिम आदान–प्रदान विगतदेखि नै चलिरहेको उनले बताए ।

‘मन्त्री भएका माननीयले समेत यस्तो कुरा गरेको सुन्दा छक्क परें । हाम्रा मिलिटरी कलेजमा विभिन्न देशका मिलिटरी पढ्न आउँछन् । पढ्छन् । डिग्री लिएर जान्छन्,’ ओलीले भने, ‘हाम्रा पनि अन्यत्र गएर पढ्छन् । तालिमका लागि जाने–आउने निरन्तर चलिरहन्छ ।’

नेपाली सेनाले भारत, चीन, पाकिस्तान, अमेरिकासँग अभ्यास गर्ने गरेको उनले सदनलाई जानकारी गराए । बिमस्टेक सम्मेलनले वातावरण, जनताबीचको सम्बन्धमा मात्रै केन्द्रित भएकोले संयुक्त सैन्य अभ्यासको सम्झौता नभएको उनले बताए ।

‘नेपाल मिलिटरी प्याक्ट भित्र पस्दैन,’ उनले भने । भारत र नेपालमा नयाँ प्रधानसेनापति आउने बित्तिकै मानार्थ प्रधानसेनापति हुने व्यवस्था वर्षौंदेखि रहेको उनले बताए ।

प्रकाशित : भाद्र १९, २०७५ १५:२९
पूरा पढ्नुहोस्
प्रतिक्रिया
पठाउनुहोस्
×