बार्सिलोना र रियल दुवै विजयी
म्याड्रिड — स्पेनी ला लिगमा शनिबार राति बार्सिलोना र रियल म्याड्रिड दुवै विजयी रहे । बार्सिलोनाले लियोनल मेसीको अनुपस्थितिमा पुछारको मालागालाई २–० ले हरायो ।
यससँगै बार्सिलोनाले शीर्ष स्थानमा ११ अंकको अग्रता प्राप्त गरेको छ । मेसी आफ्ना तेस्रो छोराको जन्मका कारण खेलमा उपस्थित हुन सकेनन । उनी विना बार्सिलोनाका लागि लुइस स्वारेज र फिलिपे कोउटिन्होले गोल गरे ।
अर्को खेलमा क्रिस्टियानो रोनाल्डोको दुई गोलमा रियलले आइबरलाई २–१ ले हरायो । यस्तै अर्को महत्त्वपूर्ण खेलमा भ्यालेन्सियाले सेभियालाई २–० ले पन्छायो ।
प्रकाशित : फाल्गुन २७, २०७४ ०७:३५प्रतिक्रिया