कैलालीमा ट्याक्टर दुर्घटनामा २ को मृत्यु, २८ घाइते

दुर्घटनामा परी घाइते भएका भजनी–९ की चाहाना चौधरी र दिलरानी चौधरीको घोडाघोडी अस्पतालमा उपचारका क्रममा मृत्यु भएको जिल्ला प्रहरी कार्यालय कैलालीका प्रवक्ता कुलदीप चन्दले बताए ।

बर्दगोरिया गाउँपालिका ६ सुगरखालका आफन्तको घरबाट पास्नी भोज खाएर भजनी नगरपालिका ९ कुणीतर्फ फर्किने क्रममा अनियन्त्रित भएर उक्त ट्याक्टर दुर्घटनामा परेको थियो । घाइतेहरूको घोडाघोडी अस्पतालमै उपचार भइरहेको छ । चालक सुरज चौधरी फरार रहेको र खोजी भइरहेको प्रहरीको भनाइ छ ।