१०.१२°C काठमाडौं
काठमाडौंमा वायुको गुणस्तर: १६९

लिमीमा पर्यटन महोत्सव हुने

हुम्ला — चीन सीमा जोडिएको हिमालपारिको बस्ती लिमीस्थित हल्जी गाउ‘मा भदौ १९ गतेदेखि दुईदिने पर्यटन महोत्सव आयोजना गरिनेछ ।

लिमीमा पर्यटन महोत्सव हुने

परम्परागत संस्कृति, प्राकृतिक गन्तव्य, मौलिक भेषभूषाको प्रचारप्रसारका लागि पहिलोपटक महोत्सवको आयोजना गर्न लागिएको हो ।

आयोजक नाम्खा गाउ‘पालिकाका अनुसार महोत्सवमा कर्णाली प्रदेशका मुख्यमन्त्री महेन्द्रबहादुर शाही, सामाजिक तथा विकासमन्त्री दल रावल, पर्यटनमन्त्री नन्दसिं बुढालगायत सहभागी हुनेछन् ।

लिमी जिल्लाको पिछडिएको र अधिकांश सरकारी सुविधाविहीन बस्ती हो । लिमीबाट सदरमुकाम सिककोट पुग्न झन्डै पॉच हजार मिटर उचाइको लेक पार गरी चार दिन हिंड्नुपर्ने बाध्यता छ । आफ्नै गाउ‘पालिकाको केन्द्र यालबाङ पुग्न एकतर्फी तीन दिनको पैदलयात्रा गर्नुपर्ने बाध्यता छ । बौद्ध धर्मावलम्बी रहेको लिमीमा तिल, हल्जी र जाङगरी तीन गाउ‘को बस्ती छ ।

लिमीलाई पौराणिक संस्कृतिको खानी मानिन्छ । महोत्सवबाट लिमीको प्रचारप्रसार गरी आन्तरिक र बाह्य पर्यटकलाई आकर्षण गर्ने र विकासमा टेवा पुर्‍याउने गाउँपालिका अध्यक्ष विष्णुबहादुर लामाले बताए ।

तीन वर्षअघि साथी नामक गैरसरकारी संस्थाले गरेको अध्ययनअनुसार विश्वमै दुर्लभ मानिएका स्तनधारी जनावर र नयॉ प्रजातिका चरा फेला परेका छन् । विश्वमा दुर्लभ र संवेदनशील मानिएको वन चौंरी लिमीमा भेटिएको थियो । गाउँपालिकाका अनुसार महोत्सवमा इसिमोड र नेपाल पर्यटन बोर्डले प्रायोजन गरेका छन् ।

प्रकाशित : भाद्र १६, २०७५ ०९:२८
प्रतिक्रिया
पठाउनुहोस्
जनताको राय

राष्ट्रिय सभा अध्यक्ष दाबी गर्ने माओवादीको निर्णयले सत्ता गठबन्धनमा के असर पर्ला ?