२८.१२°C काठमाडौं
नवलपरासीको भारतीय सीमानाका बिहीबारदेखि ४८ घण्टाका लागि बन्द
परासी — पूर्वी र पश्चिम नवलपरासीको भारतीय सीमानाका ४८ घण्टाका लागि बन्द हुने भएको छ । भारत विहारको बाल्मिकी नगर र चम्पारणमा हुन लागेको लोकसभा निर्वाचनलाई लक्षित गर्दै सीमानाका बन्द गर्न लागिएको हो ।
पूर्वी र पश्चिम नवलपरासीको जिल्ला प्रशासन कार्यालयले सूचना जारी गर्दै जेठ १० गते बिहान ६ बजेदेखि जेठ १२ गते बेलुका ६ बजेसम्म जिल्लाका सबै नाका बन्द हुने जानकारी गराएको हो ।
पश्चिम नवलपरासीका सहायक प्रमुख जिल्ला अधिकारी धुव्रबहादुर कुँवरले भारतमा हुन लागेको लोकसभा जनरल इलेक्सन २०२४ को सुरक्षा संवेदनशीलतालाई मध्यनजर गर्दै सीमानाका बन्द गरिएको बताए ।
निर्वाचनलाई मध्यनजर गर्दै नेपाल र भारततर्फका सीमा नाकामा सुरक्षा व्यवस्था थप कडा पारिएको छ ।
प्रतिक्रिया
