लुम्बिनी प्रदेशसभा : सोमबारदेखि स्थानीय सेवा विधेयकमा सैद्धान्तिक छलफल
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
देउखुरी — लुम्बिनी प्रदेश सरकारले स्थानीय सेवाको गठन, सञ्चालन र सेवाको सर्त सम्बन्धमा व्यवस्थापन गर्न बनेको विधेयक सदनमा पेस भएको छ ।
![](https://assets-cdn.ekantipur.com/uploads/source/ads/900x100-1172024092759.gif)
![लुम्बिनी प्रदेशसभा : सोमबारदेखि स्थानीय सेवा विधेयकमा सैद्धान्तिक छलफल](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/lumbini-0512024043855-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
आइतबार बसेको लुम्बिनी प्रदेशसभाको चौथो अधिवेशनको पाँचौं बैठकमा मुख्यमन्त्री जोखबहादुर महराले विधेयक पेस गरेका छन् । लुम्बिनी प्रदेशसभा नियमावली २०७९ को नियम १०७ को उपनियम २ बमोजिम विधेयक प्रदेशसभामा मुख्यमन्त्रीले प्रस्तुत गरेका हुन् । विधेयकमा ९ वटा खण्डहरु रहेका छन् ।
यसअघि तत्कालीन मुख्यमन्त्री डिल्लीबहादुर चौधरीको नेतृत्वको सरकारले लुम्बिनीमा प्रदेश निजामती सेवाको गठन, सञ्चालन र सेवाका सर्त सम्बन्धमा व्यवस्थापन गर्न बनेको विधेयक प्रमाणीकरण भएर ऐंनको रुपमा जारी भइसकेको छ ।
लुम्बिनी प्रदेशसभा सचिवालयका प्रवक्ता ईश्वरी आचार्य प्रदेशसभामा मुख्यमन्त्रीले आइतबार पेस गरेको विधेयकका विषयमाथि सोमबार दिउँसो १ बजे बस्ने प्रदेशसभाको बैठकमा छलफल हुने बताए । छलफल भएपछि संशोधनका लागि ७२ घण्टे समय जारी हुन्छ र प्रदेश मामिला तथा कानुन समितिमा जाने उनले बताए ।
![](https://assets-cdn.ekantipur.com/uploads/source/ads/900-x-100-0172024023126.gif)