गैंडा मृत फेला
बर्दिया — बर्दिया राष्ट्रिय निकुन्जको कर्णाली नदीको भंगलो गेरुवा नदीको तटीय क्षेत्रमा गैंडा मृत फेला परेको छ ।
सेनाको बन्तरिया पोष्ट नजिक गैंडा मृत अवस्थामा फेला परेको निकुञ्जले जनाएको छ । निकुन्जका निमित्त संरक्षण अधिकृत अशोककुमार भण्डारीले उमेरले ४० कटेको बिरामी गैंडा मरेको बताए । स्थानीय मृत गैंडा देखेपछि निकुञ्जलाई जानकारी गराएका थिए ।
मृत गैंडाको सबै अंग सुरक्षित फेला परेको निकुन्जले जनाएको छ । यहाँ कर्णाली तटीय क्षेत्रमा २९ र बबई उपत्यकामा ६ गरि ३५ वटा गैंडा छन् ।
प्रकाशित : मंसिर २१, २०७५ ०९:२९प्रतिक्रिया
