छ महिनामा ६८१ मोटरसाइकललाई कारबाही  

उक्त मोटरसाइकलबाट ७ लाख ४२ हजार ७ सय राजश्व सकलन भएको जिल्ला प्रहरी कार्यालयका निमित्त सूचना अधिकारी सुर्यबहादुर रानाले जानकारी दिए । समाजमा होहल्ला गर्दै मोटरसाइकल पड्काउदै हिड्ने तथा ध्वनी प्रदुषण गर्ने कार्य बढेको गुनासो आएपछि प्रहरीले विहीवारदेखि कडाईका साथ चेकजााच गरेको जनाएको छ । प्रहरीका अनुसार चार दिनमा ५९ वटा मोटरसाइकल कारबाहीमा परेका छन् ।

स्वरूप परिवर्तन गरिएका मोटरसाइकलमध्ये पटके कारबाहीमा परेकालाई आवश्यक कारबाहीको लागी यातायात कार्यालय कास्कीमा पठाउने प्रहरी प्रहरी निरीक्षक रानाले बताए । ‘पहिलो पटक समातिएका मोटरसाइकललाई परिवर्तन गरिएका सामान फेर्न लगाउँछौँ’ उनले भने, ‘पहिलेको जस्तै बनाउन लगाउने र ट्राफिक नियम उल्लंघनमा जरिबाना गरी अभिभावकको जिम्मा लगाई छाड्छौ ।’

स्वरुप परिवर्तन गर्ने वर्कसपलाई समेत निगरानी गर्ने र पहिचान गरेपछि कारबाही गरिने उनले बताए । सवारी तथा यातायात व्यवस्था ऐन, २०४९ को दफा ३९ मा स्वरुप परिवर्तन, पार्टपुर्जा थप्न वा घटाउन रंग परिवर्तन गर्न नपाईने व्यवस्था छ ।