ढोरपाटनमा आगलागीबाट ३० घर जले
गलकोट — ढोरपाटन शिकार आरक्षको मुख्य कार्यालय नजिकै शनिबार राति लागेको आगोलागिले ३० घर जलेर नष्ट भएका छन् । राति दुइबजे देखि सल्किएको आगोले ढोरपाटनको नवि भन्ने स्थानमा ३० घर जलेको प्रहरीले बताएको छ ।
ढोरपाटनमै रहेको सेनाको हनुमानध्वजका जवानहरुले नियन्त्रणमा लिएकोले आगोबाट २३ घर भने जोगाउन सफल भएका थिए । बिहान ८ बजे आगो नियन्त्रणमा आएको गुल्मपति रबिजंग खड्का बताए । आगो नियन्त्रणका लागि खड्काको नेतृत्वमा १ सय २३ सेना परिचालन भएका थिए ।
आगो कसरी सल्किएको भन्ने यकिन भएको छैन । उक्त स्थानमा अधिकांस घर काठको फलेकले छाएका र केही खरका समेत थिए । ढोरपाटनमा जाडो बढेकोले अधिकांस मानिस बोबाङ तर्फ झरेका छन् । केही घरमा मात्र कुरुवा बसेकोले अधिकांसको अन्न, लत्ताकपडा समेत जलेर नष्ट भएको छ ।
प्रतिक्रिया