नवजात शिशुको हत्या

आश गुरुङ

लमजुङ — नवजात शिशुकाे हत्या आरोपमा लमजुङ प्रहरीले एक अधबैंसे महिलालाई पक्राउ गरेको छ । दूधपोखरी गाउँपालिका २, भुम्लीचोककी ४५ बर्षीया विष्णुमाया परियारले शिशु जन्माएर मारेको आरोपमा प्रहरीले पक्राउ गरी जिल्ला प्रहरी कार्यालय ल्याएको छ ।

डीएसपी यादव ढकालका अनुसार प्रारम्भिक अनुसन्धानका क्रममा ती परियारले अभियोग स्वीकार गरेका छन्। साउन १८ गते शुक्रबार अपरान्ह ४ बजेतिर परियारले आफैंले जन्माएको नवजात शिशुको घाँटी निमोठेर ‘हत्या’ गरेको प्रारम्भिक बयानका क्रममा भनेका डीएसपी ढकालले बताए। शिशुलाई प्लाष्टिकमा बेरेर शौचालयभित्र झुण्ड्याएर राखेको अवस्थामा प्रहरीले फेला परेको जनाएको छ।

अनुसन्धान अधिकृत इन्सपेक्टर राजेन्द्र अधिकारीका अनुसार प्रारम्भिक अनुसन्धानको क्रममा उनले आफैंले जन्माएको शिशुलाई घाँटी निमोठेर प्लाष्टिकमा बेरी शौचालयमा झुन्ड्याएको स्वीकारेकी छन्। पति जीतबहादुर परियारको जाहेरीका आधारमा उनलाई प्रहरीले कर्तब्य ज्यान अभियोगमा मुद्दा चलाएर सोमबार अदालतबाट १० दिन म्याद थप गरी थप अनुसन्धान थालेको छ। उनलाई प्रहरीले आइतबार पक्राउ गरी ल्याएको बताएको छ।

बेंसीसहरबाट करीब १ दिन लाग्ने र आधाबाटोसम्ममात्रै यातायात चल्ने भएकाले बढी समय लागेको प्रहरीले बताएको छ। परियारका १ छोरा र ५ छोरी छन्। स्रोतका अनुसार ती महिलाले ‘अबैध’ रुपमा गर्भमा रहेको बच्चाको जन्म दिएकी थिइन्। जन्मनेवित्तिकै लिंग पहिचान गर्दा छोरी रहेको देखिएपछि उक्त घटना घटेको उनले प्रहरीसामु स्वीकार गरेको स्रोतले बताएको छ।

प्रकाशित : श्रावण २२, २०७५ ०९:०५
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

तालमा डुबेर वेपत्ता विद्यार्थी अझै फेला परेनन्

कुम्भराज राई

ओखलढुंगा — सोलुखुम्बुको गोक्यो तालमा डुबेर शनिबार वेपत्ता भएका खुम्जुङ माध्यमिक विद्यालय सोलुखुम्बुका तीन विद्यार्थी मंगलबार बिहानसम्म पनि फेला परेका छैनन् । 

तालमा डुबेर वेपत्ता विद्यार्थी खोज्दै उद्धारकर्मीहरु । तस्बिर सौजन्य : गेलु शेर्पा

डुबेर वेपत्ता हुनेमा खुम्जुङका पेम्बादोर्जी शेर्पा र पेम्बानुरु शेर्पा, नाम्चेका सुनिल बराइली छन् । तिनै जना कक्षा ९ का छात्र हुन् । शैक्षिक भ्रमणकालागि गएका उनीहरु नुहाउने क्रममा शनिबार बिहान ८ बजेतिर तालमा डुबेका थिए ।

शुक्रबारदेखि अध्ययन भ्रमणकालागि ३३ जनाको टोली गोक्योतर्फ गएका थिए । वेपत्ताको खोजी जारी रहेको जिल्ला प्रहरी कार्यालय सोलुखुम्बुका डिएसपी रेशमबहादुर पराजुलीले बताए । सेना, प्रहरी र स्थानीयको प्रयासमा खोजी भइरहेको प्रहरीले जनाएको छ ।

स्थानीय गेलु शेर्पाका अनुसार मंगलबार बिहानैदेखि मौसम सफा भएकोले भेटिन सक्ने आशा गरिएको छ ।

प्रकाशित : श्रावण २२, २०७५ ०९:००
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT