'विदेशी मुद्रा सञ्चितिमा फेरि कीर्तिमान, ढुकुटीमा थुप्रियो १९ खर्ब ११ अर्ब’ समाचारमा facebook.com/eKantipur बाट लिइएका केही टिप्पणी :

आयातमुखी अर्थतन्त्रलाई यही रकमबाट आत्मनिर्भरतातिर लाग्न सक्ने बुद्धि आओस् ।
– बोधराज ढकाल

नेपालीको क्रयशक्ति कमजोर भएर थुप्रिएको हो, त्यसमा कसैको चिन्ता छैन के भन्नू ?
– बुद्धिराज बराल

सरकार मानव निकासीले मालामाल । जनता सरकारको घूसनीतिले टट्टु । यो समग्र अर्थतन्त्रको सुधार होइन, अस्थिर र अवाञ्छित तवरले अर्थतन्त्रमा भएको सरकारी हस्तक्षेपको परिणाम हो ।
– रामनाथ दाहाल

अब आउने मौद्रिक नीति पनि लगानीमैत्री भएन, अलि खुकुलो गरेनौ भने यो डलर मर्ने बेला सँगै लिएर जानू ।
– वाईके सरल

थुपारेर राखिएको जुनसुकै धनसम्पत्ति न राज्यलाई न जनतालाई, कसैलाई काम लाग्दैन ।
– जीवन राई

बजार शून्य छ, ढुकुटीमा थुप्रेर के गर्नु, जनताको हिसाब बिग्रेको छ । माफिया र नेताको दिन आएको छ ।
– शंकरमान बज्राचार्य