विकासको परनिर्भरता
काठमाडौँ — काठमाडौं महानगरको मुहार रातारात फेरिंँदैछ । यसै भदौको मध्यमा हुनलागेको विमस्टेक सम्मेलनको लागि तयारी तीव्र रूपमा हुँदैछ । वर्षौंसम्म नपुरिएका सडकका खाडल पुरिँदैछन् । अव्यवस्थित खम्बाका तार मिलाइँदैछन्, चावहिल–जोरपाटी हिलाम्मे सडक पिच गरिँदैछ । सडकमा रंग–रोगन गरिँदैछ ।
हामी नेपालीको लागि यो कुनै नौलो होइन । हाम्रो मानसिकता नै अन्तिममा र अत्यावश्यक नभई काम नगर्ने छ । महानगरवासीका आधारभूत आवश्यकताको लागि विदेशी प्रभु नै चाहिने रहेछ । राज्यले आफ्नो दायित्व निर्वाह जनताप्रति उत्तरदायी भएर गर्नुपर्छ, नकि लोकलाजको डरले । सकारात्मक भएर हेर्दा हरेक ६ महिनामा यस्तो अन्तर्राष्ट्रिय सम्मेलन भइराखे विकासको अनुभूति भइराख्ने थियो ।
– सुशील शर्मा
शान्तिनगर, काठमाडौं
प्रतिक्रिया