‘धनी परिचयपत्र’ बाँडौं
काठमाडौँ — चैत १२ गते प्रकाशित ‘गरिबलाई परिचयपत्र’ पढेपछि केही लेख्न्न मन लाग्यो । गरिब पहिचान गर्नका लािग ४ वर्षको मिहिनेत र उल्लेख्य राष्ट्रिय लगानी लाग्यो ।
बल्लतल्ल तयार गरिएको गरिब परिचय जसलाई बाँडिन्छ, त्यस्तो परिचयपत्र पाएबापत तिनले कुनै पनि सामान सित्तैमा वा कम मूल्यमा पाउने पनि रहेनछन् । त्यस्तो परिचयपत्र पाएर त झन् आफूमा हीनताभाव मात्र हुनेरहेछ । विदेशीका सामु पनि त्यो बेइज्जतको वस्तु हुने भयो । गरिब नेपालीहरूको पहिचान, पहिले पनि कुनै न कुनै रूपमा क्रियाशील स्थानीय निकायले सजिलै गर्ने स्थिति हुँदाहुँदै ‘ठूलो शक्ति’ नै लगाउनुपर्यो र त्यसका लागि धेरै समय, श्रम र लगानी त लाग्यो नै, अझ त्यतिले पनि नपुगेर गरिबीको अवस्था अध्ययन गर्नका लागि हाम्रा उच्च अधिकारीहरू विदेश भ्रमणमा समेत जाने रे † यो देशमा गरिब छन् भन्ने थाहा हुँदाहुँदै र त्यसरी ‘अध्ययन भ्रमण’मा जाँदा हुने सरकारी खर्चलाई त तिनै गरिबको जीवनस्तर सुधार्नमा लगाए, केही वर्षपछि ‘धनी परिचयपत्र’ नै बाँड्नमा सहयोग पुग्ने थियो होला ।
– इन्द्रकुमार श्रेष्ठ
कमलाकुञ्ज, ओखलढुंगा
प्रकाशित : फाल्गुन १४, २०७४ ०७:११