डोटीमा जिप खस्दा तीन जनाको मृत्यु
डोटी — बोगटान फुड्सिल गाउँपालिका–७ चवराचौतारामा आइतबार बिहान जिप दुर्घटनाग्रस्त हुँदा ३ जनाको मृत्यु भएको । उक्त दुर्घटनामा ५ जना घाइते भएका छन् ।
दिपायलबाट खत्याडीका लागि जाँदै गरेको जिप भिरबाट खसेको गाउँपालिका अध्यक्ष कमल गड्सिलाले जानकारी दिए । अप्ठेरो स्थान भएकाले गाडीमा कति जना सवार थिए भन्ने खुलिनसकेको र दुर्घटनास्थलमा खोजी कार्य जारी रहेको उनले बताए ।
उनका अनुसार अहिलेसम्म तीन जनाको शव फेला परेको छ । पाँच घाइतेलाई उद्धार गरी उपचारका लागि दिपायल लगिँदै छ ।
प्रकाशित : मंसिर २१, २०७७ ०७:०४प्रतिक्रिया