रत्‍नपार्क अब ‘शंखधर उद्यान’- समाचार - कान्तिपुर समाचार

रत्‍नपार्क अब ‘शंखधर उद्यान’

कान्तिपुर संवाददाता

काठमाडौँ — राजधानीको रानीपोखरी दक्षिण र टुँडिखेल उत्तरमा रहेको रत्नपार्क अबदेखि ‘शंखधर उद्यान’ नामाकरण गरिएको छ ।

काठमाडौं महानगरपालिकाले राष्ट्रिय विभूति शंखधर साख्वाको पूर्णकदको सालिक निर्माण गरेसँगै नयाँ नामाकरण गरिएको हो । उक्त स्थानमा यसअघि राजा महेन्द्रकी पत्नी रानी रत्नको नाममा ‘रत्नपार्क’ राखिएको थियो ।

सहरी विकासमन्त्री कृष्णगोपाल श्रेष्ठ र मेयर विद्यासुन्दर शाक्यले शनिबार शंखधर उद्यानमा निर्मित सालिकको अनामरण गरेका हुन् । उद्यान परिसरमै निर्मित मानव अधिकारवादी नेता पद्मरत्न तुलाधरको समेत सालिक अनामरण गरिएको छ ।

सरकारले नेपाल संवत् ११२० (२०५६ मंसिर ३ गते) साख्वा:लाई राष्ट्रिय विभूति घोषणा गरेको थियो । उक्त दिनलाई ‘शंखधर दिवस’ का रूपमा मनाइन्छ । दुवै सालिक करिब २० लाख रुपैयाँ लागतमा निर्माण भएको जनाइएको छ । कलाकार महेश तुलाधरले सालिक निर्माण गरेका हुन् ।

प्रकाशित : मंसिर ६, २०७७ १९:५९
प्रतिक्रिया
पठाउनुहोस्

घुम्‍न गएका युवकको लडेर मृत्यु

कान्तिपुर संवाददाता

प्यूठान — पर्यटकीय स्थल झुलेनी घुमेर फर्किने क्रममा एक युवकको लडेर मृत्यु भएको छ ।

शनिबार बिहान गाउँका ५/७ जना साथीहरुसँगै घुम्न गएका प्यूठान नगरपालिका–२ काठेबराका अन्दाजी २२ वर्षीय राहुल घर्तीको लडेर मृत्यु भएको प्रहरीले जनाएको छ ।

झुलेनीबाट फर्कने क्रममा प्यूठान नगरपालिका–४ भित्रीकोटस्थित रक्तेपोखरी नजिक बिजुवार–भित्रीकोट सडक डिलबाट लडेका घर्तीको शव झन्डै १ सय ५० मिटर तल सल्लाघारीमा फेला परेको इलाका प्रहरी कार्यालय बिजुवारका प्रहरी निरीक्षक प्रकाश खत्रीले बताए ।

प्रकाशित : मंसिर ६, २०७७ १८:४३
पूरा पढ्नुहोस्
प्रतिक्रिया
पठाउनुहोस्
×