फोनबाट धम्क्याएर रकम असुल्न खाेज्ने ४ जना पक्राउ

३ करोड रूपैयाँ चन्दा माग्दै उनीहरूले भने बमोजिम चन्दा नदिएमा भौतिक कारबाही समेत गर्ने धम्की दिँदै व्यवसायी कार्यरत कार्यालय र बसोबास गर्ने स्थानको निगरानी गरी जबरजस्ती रकम माग गरेको भन्ने सूचनाका आधारमा महानगरीय अपराध महाशाखा मिनभवनबाट खटिएको विशेष प्रहरीकाे टोलीले अनुसन्धान तथा खोजतलास गर्ने क्रममा साेमबार उनीहरूलाई पक्राउ गरेकाे हाे ।

काठमाडाैं जिल्लाका विभिन्न स्थानहरुबाट नुवाकाेट ककनी गाउँपालिका–०२ का ३३ वर्षीय बिन्तोष सिलवाल, रामेछाप सुनापती गाउँपालिका–३ का ३१ वर्षीय रामदल श्रेष्ठ, काभ्रे तिमाल गाउँपालिका–०५ का ५२ वर्षीय तिर्थमान तामाङ र चितवन भरतपुर महानगरपालिका–१३ का ४२ वर्षीय नन्दुराज आचार्य पक्राउ परेका हुन् ।

प्रारम्भिक अनुसन्धानपछि उनीहरूलाई आपराधिक लाभ लिन नहुने कसुरमा मुद्धा दर्ता गरी काठमाडाैं जिल्ला अदालतबाट ३ दिनको म्यादसमेत प्राप्त भइ महानगरीय प्रहरी परिसर, काठमाडाैंबाट थप अनुसन्धानकाे काम भइरहेकाे प्रहरीले बताएकाे छ ।