भारतद्वारा ४१ एम्बुलेन्स र ६ बस उपहार- समाचार - कान्तिपुर समाचार

भारतद्वारा ४१ एम्बुलेन्स र ६ बस उपहार

कान्तिपुर संवाददाता

काठमाडौँ — गान्धी जयन्तीका अवसरमा भारतले नेपालका ३० जिल्लाका सरकारी तथा गैरनाफामूलक संघसंस्थालाई उपहारस्वरूप ४१ एम्बुलेन्स र ६ बस सहयोग गरेको छ । महात्मा गान्धीको १५१ औं जन्मजयन्तीका अवसरमा नेपालका लागि भारतका राजदूत विनय मोहन क्वात्राले एम्बुलेन्स र बसहरू हस्तान्तरण गरेका हुन् ।

स्वास्थ्य तथा शिक्षाका क्षेत्रमा काम गरिरहेका विभिन्न सरकारी, गैरसरकारी एवं गैरनाफामूलक संघसंस्थाहरूलाई उपहार गरिएको काठमाडौंस्थित भारतीय दूतावासद्वारा जारी विज्ञप्तिमा उल्लेख छ । सन् १९९४ देखि हालसम्ममा झन्डै ८ सय २३ वटा एम्बुलेन्स उपलब्ध गराइसकेको दूतावासले जनाएको छ ।

प्रकाशित : आश्विन १६, २०७७ १९:१८
प्रतिक्रिया
पठाउनुहोस्

नदीजन्य पदार्थ निकासी माग गर्दै पूर्वी नवलपरासीमा ट्र्याक्टर जुलुस

नारायण शर्मा

नवलपरासी — नदीजन्य पदार्थ निकासीको माग गर्दै यहाँका व्यवसायीले ट्र्याक्टर जुलुस निकालेका छन् । करिब ४ सय व्यवसायीले पूर्वी नवलपरासीको सदरमुकाम कावासोती र दुम्कीबासमा शुक्रबार जुलुस निकालेका हुन् । स्थानीय तहले खोला ठेक्का नलगाउँदा ट्र्याक्टर र मजदुर कामबिहीन भएका छन् । 

ट्र्याक्टर व्यवसायी समितिका जिल्ला अध्यक्ष शिव गिरीले पूर्वी नवलपरासीमा रहेका १५ सय ट्र्याक्टर र त्यसमा आश्रित ५० हजार मजदुरले खोलाजन्य पदार्थ ( गिटी, बालुवा, ढुंगा) ओसारपसार गर्न नपाउँदा छाकटार्न मुस्किल परेको बताए ।

स्थानीय प्रशासन र स्थानीय सरकारको ध्यानाकर्षण गराउन भन्दै कावासोती रामनगर चोकबाट सुरु गरिएको ट्र्याक्टरसहितको जुलुस कावासोती नगरपालिका, थानाचोक र डण्डासम्म पुगेको थियो । कावासोतीको र्‍यालीमा २ सय ५० वटा ट्र्याक्टर र दुम्किवासमा १ सय ८७ वटा ट्र्याक्टरसहित बजार परिक्रमा गरी व्यवसायीले गाउँपालिका कार्यालय नजिक प्रदर्शन गरेका थिए ।

पूर्वी नवलपरासीमा दर्जन खोलाको ठेक्का नलाग्दा व्यवसायी र मजदुरले ९ महिनायता काम पाएका छैनन् ।

प्रकाशित : आश्विन १६, २०७७ १९:१६
पूरा पढ्नुहोस्
प्रतिक्रिया
पठाउनुहोस्
×