उपत्यकामा थप ७ सय ५५ जनामा कोरोना संक्रमण- समाचार - कान्तिपुर समाचार

उपत्यकामा थप ७ सय ५५ जनामा कोरोना संक्रमण

कान्तिपुर संवाददाता

काठमाडौँ — पछिल्लो २४ घण्टामा काठमाडौं उपत्यकामा थप ७ सय ५५ जनामा कोरोना संक्रमण देखिएको छ ।

स्वास्थ्य तथा जनसंख्या मन्त्रालयले बिहीबारको कोरोना मिडिया ब्रिफिङमा काठमाडौंमा ६०९, भक्तपुरमा ५१ र ललितपुरमा ९५ जनामा कोरोना संक्रमण देखिएको हो ।

बुधबार उपत्यकामा ६ सय ३७ जना संक्रमित थपिएका थिए ।

५० प्रतिशत संक्रमितहरु काठमाडौंमा रहेका मन्त्रालयका प्रवक्ता डा. जागेश्वर गौतमले बताएका छन् । उनले २४ घण्टामा सबैभन्दा धेरै संक्रमितहरु काठमाडौंमा देखिएकाले सबैलाई सचेत हुन र स्वास्थ्य सावधानी अपनाउन आग्रह गरेका छन् ।

मन्त्रालयका अनुसार सोमबारसम्म पीसीआर विधिबाट हालसम्म ९ लाख ५५ हजार ९ सय २३ परीक्षणहरु गरिएका छन् । यस्तै, २४ घण्टामा ११ हजार ४ सय ४९ परीक्षण भएका छन् ।

प्रकाशित : आश्विन ८, २०७७ १६:३४
प्रतिक्रिया
पठाउनुहोस्

कपिलवस्तुमा बाढीले गाडी बगाउँदा बेपत्तामध्ये १ को शव फेला

मनोज पौडेल

कपिलवस्तु — वाणगंगा नगरपालिकास्थित भलवार्ड नजिक कोइली खोलाको कजवेमा बुधबार बाढीले गाडी बगाउँदा बेपत्ता भएका एक जनाको शव बिहीबार दिउँसो भेटिएको छ । घटनास्थलदेखि ५ किमि दक्षिण भगलापुर नजिक वाणगंगा खोला किनारमा केशवप्रसाद भाटको शव फेला परेको प्रहरीले जनाएको छ । उनी अर्घाखाँचीको शितगंगा नगरपालिकाका हुन् । उनी नदी तर्न मात्र गाडीमा चढेका थिए । 

विद्युत् प्राधिकरण जीतपुर फ्यूज सेवा कार्यालय जीतपुरका प्रमुख वाणगंगा नगरपालिका ४ का कृष्णप्रसाद पौडेलको शव अझै फेला पर्न सकेको छैन ।

प्राधिकरणको जीतपुर फ्यूज कार्यालयको बा१ञ १०८९ नंबरको पजेरो भलवार्डबाट विद्युत मर्मत संभार गरेर फर्कने क्रममा बुधबार ३ बजेतिर बगाएको थियो ।

बुधबार गाडी बगाउँदा ३ जना बेपत्ता भएका थिए । कार्यालयका हेल्पर माधवप्रसाद पाण्डेको शव बुधबार नै फेला परेको थियो । उनी गुल्मी तम्घासका हुन् । गाडीसहित बगेका ३ जना भने सकुशल छन् । गाडीमा ४ कर्मचारी र २ सर्वसाधारण सवार थिए । सर्वसाधारण नदी तर्न मात्रै गाडीमा चढेका थिए । सेना र सशस्त्र प्रहरीका गोताखोरले बिहानदेखि खोजतलास गरिरहेको प्रमुख जिल्ला अधिकारी दीर्घनारायण पौडेलले बताए । दुइटा डुंगामा खोजतलास गरिरहेका छन् ।

प्रकाशित : आश्विन ८, २०७७ १६:३०
पूरा पढ्नुहोस्
प्रतिक्रिया
पठाउनुहोस्
×