पत्रकार बानियाँको परिवारलाई आर्थिक सहयोग
काठमाडौँ — दिवंगत पत्रकार बलराम बानियाँको परिवारलाई अमेरिकाबासी नेपालीहरुले संकलन गरेको साढे तीन लाख रुपैयाँ आर्थिक सहयोग प्रदान गरिएको छ ।
न्युयोर्कमा बस्ने राधाकृष्ण देउजाले कान्तिपुरकर्मी बानियाँको मृत्युलगत्तै 'गो फन्ड' मार्फत एक सातामा ३ लाख ५७ हजार एक सय ६७ रुपैयाँ सहयोग संकलन गरेका थिए । सो रकम मंगलबार बानियाँको परिवारलाई हस्तान्तरण गरिएको हो ।
बानियाँको पेशागत इमानदारीको सम्मानस्वरुप सहयोग संकलन भएको देउजाले बताए । उनले बानियाँका छोराछोरीको शैक्षिक यात्रामा आर्थिक अवरोध आएको खण्डमा आफू थप सहयोग जुटाउन तयार भएको पनि बताए ।
प्रकाशित : भाद्र २३, २०७७ १७:५८प्रतिक्रिया
