प्लाज्मा थेरापीबाट २० जना भन्दा बढी कोरोनामुक्त, हालसम्म ४२ जनाले गरे प्लाज्मा दान- समाचार - कान्तिपुर समाचार
कान्तिपुर वेबसाईट
AdvertisementAdvertisement

प्लाज्मा थेरापीबाट २० जना भन्दा बढी कोरोनामुक्त, हालसम्म ४२ जनाले गरे प्लाज्मा दान

कान्तिपुर संवाददाता

काठमाडौँ — स्वास्थ्य तथा जनसंख्या मन्त्रालयले नेपालमा प्लाज्मा थेरापीबाट उपचार गरी २० जना भन्दा बढी मानिसहरु कोरोनामुक्त भएको जनाएको छ ।

मन्त्रालयले आयोजना गरेको नियमित कोरोना मिडिया ब्रिफिङमा प्रवक्ता डा जागेश्वर गौतमले हालसम्म ४२ जनाले प्लाज्मा दान गरिसकेको जनाए ।

ग्रान्डी इन्टरनेसनल अस्पताल ब्लड बैँकमा अहिलेसम्म २० देखि ५९ वर्षका ३७ जना, त्रिवि शिक्षण अस्पतालमा २ जना, बुटवल अस्पतालमा २ जना र बीपी कोइराला स्वास्थ्य विज्ञान प्रतिष्ठानमा १ जना गरी ४२ जनाले प्लाज्मा दान गरेको मन्त्रालयले बताएको हो ।

डा गौतमले कोभिड १९ का संक्रमित व्यक्तिहरुका लागि नियमित रक्तदान गर्न चाहने व्यक्ति तथा संस्थाले सुरक्षित तवरबाट रक्तदान गर्न सम्बन्धित अस्पताल, रेडक्रससँग समन्वय गरी सहयोग गर्न आग्रह गरे ।

प्रकाशित : भाद्र १२, २०७७ १७:५०
प्रतिक्रिया
पठाउनुहोस्

पाँचथरकाे राँकेमा कार्यरत सशस्त्र प्रहरीमा कोरोना

आनन्द गौतम

ताप्लेजुङ — पाँचथरको राँकेमा कार्यरत सशस्त्र प्रहरीका एक जना जवानमा कोरोना संक्रमण देखिएको छ । फाल्गुनन्द गाउँपालिकामा कार्यरत ३२ वर्षीय जवानमा संक्रमण पुष्टि भएको स्वास्थ्य कार्यालय प्रमुख नारदमणी सुवेदीले जानकारी दिए ।

तस्बिरः सटरस्टक ।

उनी केही दिनअघि संक्रमित मजदुरको सम्पर्कमा रहेका थिए । राँके रबी सडक खण्डमा कार्यरत मजदुरलाई संक्रमण भएपछि उनलाई आइसोलेसनमा ल्याउन उनीसहितको टोली गएको थियो । टोलीमा गएका अन्य चार जना प्रहरीको भने नतिजा नेगेटिभ आएको छ । उनलाई फिदिम–४ जोरसालमा रहेको सशस्त्र प्रहरी हिमशिखर गुल्मको आइसोलेसनमा राखेर उपचार गरिने गुल्मपति किशोरकुमार श्रेष्ठले बताए ।

थप भएका सशस्त्र प्रहरीसहित पाँचथरमा कोरोना संक्रमितको संख्या १३ जना पुगेको छ । उनीहरुमध्ये ८ जना आइसोलेसनमा उपचाररत रहेका छन् । ५ जना निको भएर फर्किएका छन् । योसँगै संक्रमित प्रहरीको संख्या ५ जना पुगेको छ । यसअघि नेपाल प्रहरीका ४ जना संक्रमित थिए ।

प्रकाशित : भाद्र १२, २०७७ १७:४६
पूरा पढ्नुहोस्
प्रतिक्रिया
पठाउनुहोस्
×