बेरुत घटनाप्रति राष्ट्रपति भण्डारीद्वारा दुःख व्यक्त- समाचार - कान्तिपुर समाचार

बेरुत घटनाप्रति राष्ट्रपति भण्डारीद्वारा दुःख व्यक्त

कान्तिपुर संवाददाता

काठमाडौँ — लेबनानको राजधानी बेरुतमा भएको विस्फोट घटनालाई लिएर राष्ट्रपति विद्यादेवी भण्डारीले दुःख व्यक्त गरेकी छन् ।

परराष्ट्र मन्त्रालयमार्फत बिहीबार विज्ञप्ती जारी गर्दै राष्ट्रपति भण्डारीले लेबनानका राष्ट्रपति माइकल इयोनलाई सन्देश पठाउँदै विस्फोटमा ज्यान गुमाउनेहरु र सम्पतिको विनाशलाई लिएर शोक व्यक्त गरेकी हुन् ।

बेरुतमा मंगलबार भएको विस्फोटमा एक सयभन्दा बढीले ज्यान गुमाइसकेका छन् भने ५ हजारभन्दा बढी घाइते भएका छन् ।

राष्ट्रपति भण्डारीले घाइतेहरुको छिटो स्वस्थताको लागि कामना पनि गरेकी छन् । उनले अहिले चलिरहेका उद्धारका प्रयासहरु सफल हुने र छिटै अवस्था समान्य रुपमा फर्कने विश्वास समेत व्यक्त गरेकी छन् ।

प्रकाशित : श्रावण २२, २०७७ १९:५९
प्रतिक्रिया
पठाउनुहोस्

विवादास्पद आदेश र फैसलाको तत्काल छानबिन गर्न माग

कान्तिपुर संवाददाता

काठमाडौँ — न्यायपालिकामा देखिएको विसंगतिप्रति बारले मौनता साँधेको भन्दै असन्तुष्ट कानून व्यवसायीहरुले नेपाल बार एसोसिएसनमा ज्ञापनपत्र बुझाएका छन् ।

नेपाल बार एसोसिएसनमा भेला भएका कानून व्यवसायीहरुले बुझाएको ज्ञापनपत्रमा न्यायपालिकाका विकृति र विसंगति हटाउन बारले तत्काल कदम चाल्नुपर्ने माग गरिएको छ ।

२१ बुँदे ज्ञापनपत्रमा हालैका विवादास्पद फैसला र आदेशहरुका बारेमा छानबिन हुनुपर्ने माग छ । कानून व्यवसायीहरुले त्यस्ता आदेश र फैसला अध्ययन गरी प्रतिवेदन दिन पूर्व न्यायाधीशहरु, वरिष्ठ अधिवक्ताहरु सम्मिलित समिति गठनको माग राखेका छन् ।

पेशी व्यवस्थापनमा स्वचालित प्रणाली अपनाइ प्रधानन्यायाधीशको स्वेच्छाचारिता नियन्त्रणको माग राखेका छन् । उनीहरुले नेपाल बार एसोसिएसनको यसअघिको विवादास्पद विज्ञप्ति फिर्ता लिन पनि माग गरेका छन् । भेलामा अधिवक्ता भीमार्जुन आचार्यले ज्ञापनपत्र वाचन गरेका थिए भने वरिष्ठ अधिवक्ता हरिहर दाहालले बुझाएका थिए । भेलालाई वरिष्ठ अधिवक्ताहरु शम्भु थापा र हरि उप्रेतीले सम्बोधन गरेका थिए ।

हेर्नुहोस, ज्ञापनपत्र:


प्रकाशित : श्रावण २२, २०७७ १९:४५
पूरा पढ्नुहोस्
प्रतिक्रिया
पठाउनुहोस्
×