काठमाडौंमा कोरोना संक्रमणबाट एकको मृत्यु
काठमाडौँ — कोरोना संक्रमणबाट बलम्बुस्थित सशस्त्र प्रहरी अस्पतालमा उपचारको क्रममा ६५ वर्षीया वृद्धाको बुधबार मृत्यु भएको छ ।
अस्पतालका प्रवक्ता डा प्रविन नेपालले मृत्यु हुनेमा सर्लाही जिल्लाको मलंगवा–६ निवासी वृद्धाको मृत्यु भएको जानकारी दिए ।
उनका अनुसार ती महिला सर्लाहीबाट ज्वरो र निमोनियाको समस्याबाट ग्रस्त भइ रिफर भएर साउन १६ गते स्वयम्बुस्थित मनमोहन अस्पताल भर्ना भएकी थिइन् । त्यहाँ उनलाई भेन्टिलेटरमा राखेर उपचार गरिँदै थियो । स्वाब संकलनका क्रममा उनको १८ गते कोरोना पुष्टि भएको थियो ।
थप उपचारका लागि साउन १९ गते उनलाई प्रहरी अस्पताल भर्ना गराइएकोमा उपचारको क्रममा बुधबार मृत्यु भएको हो ।
प्रतिक्रिया
