स्रोत नखुलेको रकमसहित बाँके राष्ट्रिय निकुञ्जका वार्डेन भट्टराई र सहायक संरक्षण अधिकृत रोकाया पक्राउ
बुटवल — स्रोत नखुलेको रकमसहित बाँके राष्ट्रिय निकुञ्जका वार्डेन प्रमोद भट्टराई र सहायक संरक्षण अधिकृत विष्णु रोकाया रुपन्देहीबाट पक्राउ परेका छन् ।
विशेष सुराकीका आधारमा अख्तियारको बुटवलस्थित कार्यालयको टोलीले सोमबार ३ लाख ४८ हजार नगदसहित विभिन्न बैंकका ५ लाख ५० हजारको भौचरसहित उनीहरुलाई पक्राउ गरेको हो । अख्तियारको टोलीले निकुञ्जको बा.२ झ १८७३ को गाडी समेत नियन्त्रणमा लिएको छ ।
सोमबार दिउँसो सैनामैना नगरपालिका-१० बाट उनीहरुलाई नियन्त्रणमा लिइएको र थप अनुसन्धान भइरहेको अख्तियार दुरुपयोग अनुसन्धान आयोगको बुटवलस्थित कार्यालयका सूचना अधिकृत सरेश भुसालले बताए ।
प्रकाशित : श्रावण १९, २०७७ १७:३४प्रतिक्रिया