कान्तिपुर वेबसाईट
AdvertisementAdvertisement

देशभरिका बालबालिकालाई भिटामिन ए खुवाइँदै [तस्बिरहरु]

तस्बिर : अंगद ढकाल

काठमाडौँ — कोभिड– १९ का कारणले रोकिएको ‘राष्ट्रिय भिटामिन ए’ कार्यक्रम सोमबार देशभरि एकैसाथ सञ्चालन गरिएको छ । उक्त कार्यक्रमअन्तर्गत बालबालिकालाई भिटामिन ए र जुकाको औषधि खुवाइएको स्वास्थ्य सेवा विभाग पोषण शाखा प्रमुख केदार पराजुलीले जानकारी दिए ।

‘राष्ट्रिय भिटामिन ए’ कार्यक्रमअन्तर्गतको दोस्रो चरणको गत वैशाख ६ र ७ गते रोकिएकोमा सोमबार र मंगलबार दुई दिन चल्नेछ । करिब ५२ हजार महिला स्वास्थ्य स्वयंसेविका मार्फत भिटामिन ए करिब २७ लाख ३ हजार ५२२ बालबालिका र जुकाको औषधि २३ लाख ९३ हजार १५२ बालबालिकालाई खुवाइने उनले बताए ।

६ महिनादेखि ५९ महिनासम्मका बालबालिकालाई भिटामिन ए र एक वर्षदेखि पाँच वर्ष मुनिका बालबालिकालाई जुकाको औषधि खुवाइन्छ । कोभिड– १९ का कारणले लकडाउनले गर्दा वैशाख ६ र ७ गते हुने कार्यक्रम स्वास्थ्य तथा जनसंख्या मन्त्रालयले चैत २१ गते रोकेको थियो ।

सरकारले प्रत्येक वर्ष पहिलो चरण कात्तिक २ र ३ गते तथा दोस्रो चरण वैशाख ६ र ७ गते गरी दुई पटक राष्ट्रिय भिटामिन ए कार्यक्रम सञ्‍चालन गर्दै आइरहेको छ ।

बालबालिकामा हुनसक्ने स्वास्थ्य जटिलता तथा कुपोषणको जोखिम न्यूनीकरण गर्नका लागि २०५३ सालबाट सरकारले निःशुल्क भिटामिन ए खुवाउँदै आइरहेको छ । यस्तै, जुकाको औषधि २०५८ सालदेखि प्रत्येक वर्ष दुईपटक बालबालिकालाई खुवाउने गरिन्छ ।

पोषण शाखा प्रमुख पराजुलीले सोमबार नै १५ बहुसुक्ष्म पोषण तत्वले बनेको बालभिटा ६ महिनादेखि २३ महिनाका बालबालिका समेत सोही कार्यक्रममा खुवाइने बताए । त्यस्तै ४१ जिल्लामा लागू गरिएको बालभिटा २०६६ सालदेखि बालबालिकालाई खुवाउन थालिएको हो ।

प्रकाशित : असार २२, २०७७ १५:१०
प्रतिक्रिया
पठाउनुहोस्

चरेससहित दुईजना पक्राउ

कान्तिपुर संवाददाता

रुपन्देही — बुटवलबाट साढे २२ केजी चरेस बरामद भएको छ । बुटवल उपमहानगरपालिका–१२ हरियाटोलमा धनबहादुर दमाईको खाली घरमा खानतलासी गर्दा सोमबार चरेस फेला परेको हो । 


चरेससँगै गुल्मी मदाने गाउँपालिका–७ का मेघराज गिरी र पूर्वी रुकुम सिस्ने गाउँपालिका–८ स्यालपाखाका रतिभान दमाई पक्राउ परेका छन् ।प्रहरी निरीक्षक प्रमोद क्षेत्रीको कमाण्डमा गएको टोलीले प्रदेश प्रहरी कार्यालयको विशेष टोलीले उनीहरुलाई दिउँसो पक्राउ गरेको हो ।

पक्राउ परेका व्यक्तिमाथि थप अनुसन्धान भइरहेको प्रदेश प्रहरी कार्यालयका प्रवक्ता राजकुमार बैदवारले बताए ।

प्रकाशित : असार २२, २०७७ १५:००
पूरा पढ्नुहोस्
प्रतिक्रिया
पठाउनुहोस्
×