कान्तिपुर वेबसाईट
AdvertisementAdvertisement

राजधानीमा पत्रकारको प्रदर्शन

कान्तिपुर संवाददाता

काठमाडौँ — नेपाल पत्रकार महासंघले पत्रकारहरूको पेसागत सुरक्षा माग गर्दै शुक्रबार राजधानीमा प्रदर्शन गरेको छ । कोभिड–१९ संक्रमणले सिर्जित समस्याका कारण सञ्चार गृहहरूले पत्रकारलाई अवकाश दिन, सेवा–सुविधा कटौती गर्न थालेपछि महासंघको आह्वानमा विरोध प्रदर्शन भएको हो ।

पत्रकारका संगठनहरूको समेत सहभागिता रहेको विरोध प्रदर्शनमा श्रमको सुरक्षा हुनुपर्ने, तलब र सेवा सुविधा दिनुपर्नेलगायत माग पत्रकारहरूले राखेका थिए । प्रदर्शनलाई सम्बोधन गर्दै महासंघका अध्यक्ष गोविन्द आचार्यले सञ्चार गृहहरूले पत्रकारलाई काम गर्ने वातावरण बनाउनुपर्ने बताए । ‘तलबको समस्या छ, सार्वजनिक सवारी नचलेकाले कति पत्रकारले अफिस आएर काम गर्न सकेका छैनन्,’ उनले भने, ‘समस्या भएका पत्रकारलाई काम गर्ने वातावरण बनाउनुपर्छ ।’

महासंघका महासचिव रमेश विष्टले पत्रकारहरूलाई शोषण गर्न नपाइने बताए । उनले प्रेस स्वतन्त्रताका लागि लडेका पत्रकारलाई अहिले केही समस्या भयो भन्ने नाममा सेवाबाट हटाउन र तलब कट्टा गर्न नहुने बताए । सञ्चार गृहले आफ्नो विगतको मुनाफाबाट पनि अहिले खर्च गरेर पत्रकारहरूको पेसागत सुरक्षा गर्नुपर्ने बताए ।

प्रकाशित : असार १९, २०७७ २०:०५
प्रतिक्रिया
पठाउनुहोस्

सडक विभागका इन्जिनियरविरुद्ध ३ करोड २१ लाखको भ्रष्टाचार मुद्दा

कान्तिपुर संवाददाता

काठमाडौँ — गैरकानुनी सम्पत्ति आर्जन गरेको अभियोगमा सडक विभागका इन्जिनियर भरतराज आचार्यविरुद्ध ३ करोड २१ लाख रुपैयाँको भ्रष्टाचार मुद्दा दायर भएको छ । २०४१ सालमा ओभरसियरको रुपमा सेवा प्रवेश गरेका उनी हाल सडक विभागको गुणस्तर अनुसन्धान तथा विकास केन्द्रमा कार्यरत थिए ।


पाँच करोड २९ लाख रुपैयाँ आर्जन गरेका उनको सम्पत्ति छानबिन हुँदा २ करोड ७ लाख रुपैयाँ मात्रै वैध भएको खुल्यो ।

आफ्नो अवैध आर्जन उनले आफू र श्रीमतीको नाममा जग्गा खरिद, घर निर्माण, सवारी साधन, बैंकिङ कारोबरमा लगाएको अख्तियारको दाबी छ ।

अख्तियारले उनकी पत्नी रिता खनाल आचार्यलाई पनि प्रतिवादी बनाएको छ ।

प्रकाशित : असार १९, २०७७ १९:५६
पूरा पढ्नुहोस्
प्रतिक्रिया
पठाउनुहोस्
×