कांग्रेसको केन्द्रीय कार्यसमिति बैठक आइतबारसम्मका लागि स्थगित- समाचार - कान्तिपुर समाचार
कान्तिपुर वेबसाईट
AdvertisementAdvertisement

कांग्रेसको केन्द्रीय कार्यसमिति बैठक आइतबारसम्मका लागि स्थगित

कान्तिपुर संवाददाता

काठमाडौँ — कांग्रेसको केन्द्रीय कार्यसमिति बैठक आइतबारसम्मका लागि स्थगित भएको छ । पार्टीका सांसद ज्ञानकुमारी छन्त्यालको निधनमा शोक प्रस्ताव पारित गर्दै बैठक आइतबारका लागि बोलाइएको हो ।

बिहीबार कांग्रेसले पार्टीको केन्द्रीय कार्यालयसमेत बन्द गर्ने भएको छ । कांग्रेसले शुक्रबार पार्टीको झण्डा आधा झुकाउने र कुनै औपचारिक कार्यक्रम पनि नगर्ने भएको छ । मंगलबारबाट सुरु भएको बैठकमा महाधिवेशन कार्यतालिका, नागरिकता विधेयक लगायतका विषयमा छलफल भइरहेको छ । २०७४ सालमा नेपाली कांग्रेसको तर्फबाट समानुपातिकबाट निर्वाचित छन्त्यालको बुधबार निधन भएको थियो ।

मुटुको रोगी सांसद छन्त्यालको गंगालाल राष्ट्रिय हृदयरोग केन्द्रमा उपचारका क्रममा बुधबार निधन भएको थियो । उनको आजै पशुपति आर्यघाटमा दाहसंस्कार गरिएको छ ।

प्रकाशित : असार १७, २०७७ १४:५२
प्रतिक्रिया
पठाउनुहोस्

खानेपानी कार्यालय दैलेखका निमित्त प्रमुखसहित ४ जना घूससहित प्रक्राउ

कान्तिपुर संवाददाता

वीरेन्द्रनगर — अख्तियार दुरुपयोग अनुसन्धान आयोगले खानेपानी सिंचाइ तथा ऊर्जा विकास कार्यालय दैलेखका निमित्त प्रमुख (इन्जिनियर) टोपेन्द्र सुन्दर मल्लसहित चारजनालाई घूससहित पक्राउ गरेको छ ।

पक्राउ पर्नेहरुमा खानेपानी सिँचाइ तथा ऊर्जा विकास कार्यालय दैलेखका निमित्त कार्यालय प्रमुख टोपेन्द्र सुन्दर मल्ल,सव इन्जिनियर वीरेन्द्र चन्द,रञ्‍जित श्रेष्ठ र सुपरभाइजर लक्ष्मी पाण्डे छन् ।

उनीहरुले भगवतीमाई गाउँपालिका–३ मा सञ्चालित सानटडा खोला तटबन्ध निर्माण कार्य सम्पन्‍न भएपश्चात भुक्तानीमा सहजीकरण गरिदिने भन्दै सेवाग्राहीसँस घूस लिइरहेको अवस्थामा रंगेहात पक्राउ गरिएको आयोगले जनाएको छ ।

मल्ललाई आवासबाटै दुई लाख ४१ हजार १६ रुपैयाँ नगदसहित अख्तियारले नियन्त्रणमा लिएको थियो । अनुसन्धानकै सिलसिलामा सव इन्जजिनियर रन्जित श्रेष्ठ र सुरपभाइजर लक्ष्मी पाण्डेसहित ४ जनालाई असार १६ गते नियन्त्रणमा लिएर अनुसन्धान भइरहेको अख्तियारले जनाएको छ ।

प्रकाशित : असार १७, २०७७ १४:५०
पूरा पढ्नुहोस्
प्रतिक्रिया
पठाउनुहोस्
×