थप ५९३ जनामा कोरोना, संक्रमितको संख्या ११ हजार ७५५ पुग्यो

कान्तिपुर संवाददाता

काठमाडौँ — पछिल्लो २४ घन्टामा शुक्रबार थप ५९३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयले आयोजना गरेको नियमित मिडिया ब्रिफिङमा प्रवक्ता डा जागेश्वर गौतमले संक्रमितको संख्या ११ हजार ७५५ पुगेको जनाए ।

संक्रमित हुनेमा मोरङका २ जना, झापाका ४ जना, सुनसरीका १० जना, धनुषाका १५ जना, महोत्तरीका ४ जना, सिरहाका ६ जना, अछामका १ जना, बैतडीका २५ जना, बझाङका ९ जना, बाजुराका २७ जना, बाराका २ जना, दार्चुलाका ३ जना, डोटीका ४६ जना, गोरखाका ५ जना, कैलालीका ३१ जना, कञ्चनपुरका ४२ जना, कपिलवस्तुका २१ जना, रौटहटका ५१ जना छन् ।

त्यस्तै सल्यानका ४ जना, गोरखाका १ जना, नवलपरासी पूर्वका २३ जना, नुवाकोटका १ जना, काठमाडौंका ३ जना, चितवनका १२ जना, गुल्मीका १२ जना, सिन्धुलीका ६ जना, कास्कीका २ जना, लमजुङका ६ जना, बागलुङका १ जना, तनहुँका २ जना, स्याङ्जाका १ जना, अर्घाखाँचीका ३ जना, गुल्मीका १३ जान, पाल्पाका ७६ जना, नवलपरासीका १ जना, रुपन्देहीका ६ जना, दाङका ७५ जना, प्युठानका २० जना, दैलेखका ५ जना, जाजरकोटका २ जना, मुगुका १ जना, सुर्खेतका १२ जना र जुम्लाका ३ जना रहेका छन् ।

प्रकाशित : असार १२, २०७७ १६:३१
प्रतिक्रिया
पठाउनुहोस्

सिन्धुलीमा कोरोना संक्रमणसँग लक्षण मिल्ने एक महिलाको मृत्यु

स्वाब परीक्षणका लागि काठमाडौं पठाइयो
राजकुमार कार्की

सिन्धुली — कोरोनाभाइरसको संक्रमणसँग मिल्दो लक्षण देखिएसँगै सिन्धुली अस्पतालमा उपचारका लागि आएकी एक महिलाको मृत्यु भएको छ । महोत्तरीको पाटु घर भएकी २१ वर्षकी ती महिलामा अत्यधिक ज्वरो र स्वासप्रस्वासको समस्या भइ सिन्धुली अस्पताल ल्याइएकोमा इमर्जेन्सी भर्ना गरी उपचार भइरहेको क्रममा नै मृत्यु भएको अस्पतालका फोकल पर्सन डा. प्रशन्न राजभण्डारीले जानकारी दिए ।

डा. राजभण्डारीका अनुसार ज्वरो अत्यधिक र स्वासप्रस्वासको समस्या भएकाले मृतकको स्वाब परीक्षणका लागि शुक्रबार नै काठमाडौं पठाइएको छ । सिन्धुली अस्पतालका व्यवस्थापक विमल श्रेष्ठका अनुसार महोत्तरी घर भए पनि उनी असार ३ गतेदेखि घ्याङलेख गाउँपालिका–१, सिम्लेस्थित माइतीमा आएर बसेकी थिइन् ।

गाउँमै झारफुकमा लागेर समयमा अस्पताल नल्याएकाले उपचार सम्भव नभएको व्यवस्थापक श्रेष्ठको भनाइ छ । चारदिन अघिदेखि मृतक महिलालाई ज्वरो आएको आफन्तले बताएका छन् ।

स्वाब परीक्षणको रिपोर्ट नआएसम्म उपचारमा खटिएका चिकित्सक, कर्मचारी र आफन्तहरु क्वारेन्टाइनमा रहने समेत श्रेष्ठले जानकारी दिए । मृतक महिलाको शव भने आफन्तले बुझेर लगेका छन् ।

प्रकाशित : असार १२, २०७७ १६:२३
पूरा पढ्नुहोस्
प्रतिक्रिया
पठाउनुहोस्
×