काठमाडौँ — घूस लिएको आरोपमा अख्तियार दुरुपयोग अनुसन्धान आयोगले सिन्धुलीबाट दुई सामुदायिक वनका पदाधिकारीलाई नियन्त्रणमा लिएको छ । सिन्धुलीको तीनपाटन गाउँपालिकामा सञ्चालित कुखुरा फर्मको पुरानो काठ अर्को ठाउँमा लैजान दिनका लागि घूस मागेको उनीहरुमाथि आरोप छ ।
घटनामा जनकल्याण सामुदायिक वन व्यवस्थापन समितिका कोषाध्यक्ष मिनबहादुर घोले ३ लाख र जनसेवा समितिका कोषाध्यक्ष तीर्थबहादुर राना ३० हजार ५ सय रुपैयाँसहित पक्राउ परेका छन् ।