सत्तारुढ नेकपाको सचिवालय बैठक बालुवाटारमा
काठमाडौँ — सत्तारुढ नेकपाको सचिवालय बैठक बालुवाटारमा बसिरहेको छ । कोरोना भाइरसको जोखिम न्यूनिकरण, स्वास्थ्य सामग्री खरिद प्रकरण र सेनालाई जिम्मा लगाएको र सीमानामा अलपत्र नागरिक लगायत विषयमा छलफल गर्न भन्दै मंगलबार अपराह्नदेखि बालुवाटारमा बैठक बसेको हो ।
बैठकको सुरुमै प्रधानमन्त्री एवं नेकपा अध्यक्ष केपी शर्मा ओलीले कोभिड-१९ को विश्वव्यापी संक्रमण, रोकथाम र उपचारको क्रममा सरकारले चालिएका कदम र उपलब्धिहरूका बारेमा जानकारी गराएका छन् ।
चीनबाट मेडिकल सामान खरिदमा अनियमितता भएको र सामग्री किन्ने जिम्मा सेनालाई दिने निर्णयमाथि चौतर्फी आलोचना भएपछि सचिवालयकै नेताहरुले बैठक बोलाउन माग गरेका थिए । चैत ५ पछि नेकपाको सचिवालय बैठक आज बसेको हो ।
प्रकाशित : चैत्र २५, २०७६ १७:३०प्रतिक्रिया
