पोजिटिभ केस आएकाहरुको 'कन्ट्याक्ट ट्रेसिङ' भइरहेको छ : प्रवक्ता देवकोटा

साथै उनले प्रयोगशाला विस्तार तथा परीक्षणको दायरा बढाउने काम भइरहेको बताए । प्रदेशमा आइसोलेसनमा ९३ जना छन्, नमुना २१७ संकलन भएका छन् । उनका अनुसार पीपीई पनि हरेक प्रदेशमा १००० सेटको दरले पठाइएको तथा १० हजारको परिमाणमा मास्क र २० हजार पञ्जा पठाइएको छ । धनगढी र विराटनगरमा गइसकेको छ र अरुमा जाँदैछ ।

उनले नमुुना परीक्षणको दायरा बढाउन सुरु भइसकेको बताउँदै धरानमा नमुना परीक्षण सुरु भइसकेको बताए । अहिलेसम्म १९ जनाको नमुना परीक्षण भएको र थप ६ वटा नमुना संकलन भएको छ । साथै धनगढी, सुर्खेत, बुटवल तथा जनकपुरमा पनि नमुना परीक्षणको विस्तार हुने भएको छ । चीनबाट ल्याइएको सामग्रीहरुको सम्पूर्ण जाँच भइसकेको र काम गर्न अवस्थामा उनले बताए ।

अहिलेसम्म उनले बाहिरबाट आएका ४१ हजार १४० जनाको नामावली तयार भइसकेको र भोलिको दिनमा ट्रेसिङ र परीक्षणका लागि सजिलो हुने जनाए । राष्ट्रिय जनस्वास्थ्य प्रयोेगशालामा ९९३ मा पुगेका छन् । नयाँ टेस्ट ७६ वटा भएका छन् । आजको दिनमा कुनै पोजिटिभ केस नभेटिएको उनले जानकारी दिए ।

आइसोलेसनमा पाटन अस्पतालमा ३ जना र टेकु अस्पतालमा ४ जना रहेका छन् । मन्त्रालयका स्वास्थ्य विज्ञ सल्लाहकार खेम कार्की जुनै कारणले पनि मृत्यु भएकालाई कोरोनाबाट मृत्यु भएको भन्ने भ्रम नपाल्न आग्रह गरे ।