यात्रु लिएर फर्कियो कतार एयरवेजको विमान
काठमाडौँ — आज बिहानै कतारको दोहाबाट आएको कतार एयरवेजको चार्टर विमान ३ सय ४ जना यात्रु लिएर फर्किएको छ ।
तीजना भने तीन वर्षभन्दा मुनिका बच्चा छन् । क्युआर ७४८२ को उडानमा दोहा जानेहरुमा सयजना भन्दा बढी जर्मनीका नागरिकहरु छन् ।
अरु अन्य युरोपेली देशका नागरिक भएको त्रिभुवन विमानस्थल स्रोतले बतायो । कतारको यस्तै उडान भोलि पनि हुने विमानस्थल स्रोतले जनायो । नेपालले अन्तर्राष्ट्रीय उडानहरु बन्द गरेपनि आफ्ना देशका नागरिक लिन खाली आउने चार्टर फ्लाइटहरुलाई आउन दिएको छ ।
यस्तै, लकडाउनले गर्दा लुक्लामा अलपत्र परेका युरोपियनलाई काठमाडाौं ल्याउन तारा एयरले एउटा र सिम्रिक एयरका हेलिकप्टरले शुक्रबार दुइटा उद्दार उडान गरेका छन् ।
प्रतिक्रिया
