कान्तिपुर वेबसाईट
AdvertisementAdvertisement

क्‍वारेन्टाइन व्यवस्थापन मापदण्ड, २०७६ स्वीकृत

रासस

काठमाडौँ — कोरोना भाइरस संक्रमण रोकथाम तथा नियन्त्रणसम्बन्धी उपप्रधानमन्त्री तथा रक्षामन्त्रीको संयोजकत्वमा गठित उच्चस्तरीय समन्वय समितिले क्‍वारेन्टाइन व्यवस्थापन मापदण्ड, २०७६ स्वीकृत गरेको छ । 


समितिको सोमबार बसेको बैठकले कोरोना भाइरससँग सम्बन्धित क्‍वारेन्टाइनमा राखिने व्यक्ति, पालना गर्नुपर्ने विधि, हुनुपर्ने पूर्वाधार, त्यहाँ सेवारत रहनुपर्ने चिकित्सक र गर्नुपर्ने सबै सुरक्षित उपाय अपनाउने गरी काम गर्न उक्त मापदण्ड स्वीकृत गरेको सरकारका प्रवक्ता एवं सञ्चार तथा सूचना प्रविधिमन्त्री डा. युवराज खतिवडाले जानकारी दिए।


स्वास्थ्य तथा जनसंख्या मन्त्रालयको नेतृत्वमा बलम्बुस्थित सशस्त्र प्रहरी नेपालको ‘डेडिकेटेड आइसोलेटेड’ अस्पताललाई कोभिड–१९ को रोकथाम नियन्त्रणको उपचारसम्बन्धी कार्य नेपाली सेनाका चिकित्सकको समन्वयमा नेपाल प्रहरी, सशस्त्र प्रहरी र आवश्यकताअनुसार सरकारी, सामुदायिक र निजी क्षेत्रका चिकित्सक, नर्स र स्वास्थ्यकर्मी परिचालन गरी तत्काल सुरु गर्ने निर्णय गरिएको छ।


त्यसका लागि रक्षा, गृह, परराष्ट्र र अर्थ मन्त्रालयले आवश्यक समन्वय गर्ने निर्णय भएको उनले जानकारी दिए। विदेशबाट हवाई मार्गमार्फत् आएका व्यक्तिलाई क्‍वारेन्टाइनमा राखिएको र कसैले त्यसलाई उल्लंघन गरे कानूनी दायरामा ल्याउन सम्बन्धित निकायलाई आदेश भइसकेको पनि उनले बताए। प्रकाशित : चैत्र १०, २०७६ २१:२२

प्रतिक्रिया
पठाउनुहोस्
ADVERTISEMENT

मास्क र सेनिटाइजर बरामद

कान्तिपुर संवाददाता

विराटनगर — प्रहरीले विराटनगर महानगर-७ स्थित एक गोदाममा राखिएको मास्क र सेनिटाइजर बरामद गरेको छ । 

सर्जी इन्टेक्स मेडिकल गोदामबाट ११ हजार ३ सय ५० वटा मास्क र दुई सय मिलिलिटरको दुई सयवटा बोतलमा रहेको सेनिटाइजर बरामद गरिएको हो ।

गोदामका राजेश अग्रवाललाई नियन्त्रणमा लिएर अनुसन्धान गरिरहेको प्रहरीले जनाएको छ ।

प्रकाशित : चैत्र १०, २०७६ २१:०४
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×